Saturday , February 24 2018
Breaking News
You are here: Home / Showbiz / Ina ni Yam nalungkot, karakter sa FPJAP, pinatay na
Ina ni Yam nalungkot, karakter sa FPJAP,  pinatay na

Ina ni Yam nalungkot, karakter sa FPJAP, pinatay na

NALUNGKOT ang Mommy Bebs Concepcion ni Yam Concepcion dahil nagbabu na ang anak sa karakter bilang Lena sa FPJ’s Ang Probinsyano dahil napatay sila sa sagupaan ng Pulang Araw at SAF kagabi.

Naging habit na ng mommy ng aktres na pagkatapos nitong kumain ng hapunan ay naka-antabay na siya sa programa nina Coco Martin na umabot na rin sa anim na buwan.

Dapat pala ay dalawang buwan lang ang itatagal ni Yam sa FPJAP bilang anak ni Lito Lapid (Pinuno/Leon) na nakatira sa kabundukan ng Pulang Araw pero sa pagdating ni Cardo/Fernan (Coco) sa kanila ay nilagyan ng love angle ang dalawa at nag-click ang kanilang tambalan na Coco-Yam.

Pero hindi nakalimot si Fernan/Cardo (Coco) dahil alam niyang may asawa siya, si Alyanna (Yassi Pressman) at kaya lang siya nagtagal sa pangkat ni Leon/Pinuno (Lito) ay para kumuha ng impormasyon.

Sabi sa amin ng mommy Bebs ni Yam nang maka-chat namin, “mami-miss ko kasi gabi-gabi nanonood ako, eh, ‘yung next serye niya (Yam) na ‘Love Will Lead You Back’ ay next year pa (eere).”

At kahit wala na si Yam sa FPJ’s Ang Probinsyano ay manonood pa rin siya dahil nga nakasanayan na niya at gusto rin niya ang kuwento ng aksiyon serye nina Coco.

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved