Friday , February 23 2018
Breaking News
You are here: Home / News / Killer ng Grade 10 student arestado sa checkpoint
Killer ng Grade 10 student arestado sa checkpoint

Killer ng Grade 10 student arestado sa checkpoint

ARESTADO ng mga operatiba ng Quezon City Police District (QCPD) ang responsable sa pagpaslang sa isang Grade 10 student nitong 25 Oktubre, sa isang checkpoint sa lungsod, kamakalawa ng hapon.

Sa pulong balitaan, iniharap ni QCPD director, Chief Supt. Guillermo Lorenzo T. Eleazar ang suspek na si Eric Dalmacio, walang permenenteng tirahan.

Ayon kay Supt. Danilo Mendoza, hepe ng QCPD Talipapa Police Station 3, dakong 3:00 pm nang dakpin si Dalmacio sa kanto ng Tandang Sora at General Avenue, Brgy. Bahay Toro sa nabanggit na lungsod.

Nauna rito, naglatag ng checkpoint sa lugar ang pulisya bunsod ng mga ulat na may nagaganap na panghoholdap sa Tandang Sora.

Naglalakad si Dalmacio nang mapansin ng mga awtoridad na may nakabukol sa kanyang baywang kaya siya ay si-nita at nang kapkapan, nakuha sa kanya ang isang kal. 38 baril.

Sa nabanggit na lugar hinoldap at pinatay ang biktimang grade 10 student na si Kevin Reantaso noong 25 Oktubre kaya minabuti ng PS 3 na i-paalam sa Criminal Investigastion and Detection Unit (CIDU) ang pagkakadakip kay Dalmacio.

Nang iharap sa ilang saksi si Dalmacio, positibo nilang itinuro na ang suspek ang nangholdap at pumatay kay Reantaso sa General Avenue. (ALMAR DANGUILAN)

COMMENTS

About Almar Danguilan

Scroll To Top
 

Copyright © 2009 - 2017 hatawtabloid.com | All Rights Reserved