Friday , March 29 2024
Tetchie Agbayani

Tetchie Agbayani, bigay-todo sa bawat role na ginagampanan

MAHIGIT tatlong dekada na sa mundo ng showbiz ang vete-ran actress na si Ms. Tetchie Agbayani. Sa aming panayam sa kanya recently, ipinahayag ni Ms. Tetchie na masaya siya sa paggawa ng pelikula, ma-ging sa drama man o sa comedy.

“I think pareho lang na sobrang enjoy akong gumawa ng drama at comedy. Para sa akin kasi, para silang asin at asukal na magkaiba pero parehong gusto ko at mahalaga sa akin. Siguro dahil sa simula pa lang ay nahasa na ako sa drama kaya napapansin kong hinahanap ng sistema ko ang gumawa ng drama. May pagka-cathartic kasi sa akin ang gumawa ng drama. Parang nagsisilbing therapy ko na halos,” nakatawang saad ng aktres.

Pahayag ni Ms. Tetchie, “Noong ginampanan ko ang role na Sisa sa Noli Me Tangere ni Tito Eddie Romero (na National Artist na natin sa film ngayon) para sa CCP noong 1992, ‘yun na yata ang pinaka-dream role na maaaring gampanan ng isang artista na tulad ko. Although, hindi ko talaga inaasahan na makakasama ako sa project na iyon bilang artista dahil inilapit ko noon ang aking sarili kay Tito Eddie para magtrabaho behind-the-scene. Nagpresinta ako noon na maging script girl niya. Laking gulat ko na lang noong tinawagan niya ako para sabihin na ako raw ang napupusuan niyang gumanap na Sisa sa proyektong iyon.” Dagdag niya, “Pero sa rami na rin nang iba’t ibang roles na nagampanan ko sa mahigit tatlo at kalahating dekada ng pagiging artista ko, para sa akin ay mahirap nang isipin pa kung mayroon pa ba akong natitirang dream roles. Ang tanging hangad ko na lang ngayon ay magampanan ang lahat ng roles na darating sa akin sa pinakamakatotohanang paraan na kaya kong gawin.

Para sa akin kasi, nandoon ang “challenge.” Sana sa lahat ng gawin kong roles ay maging kapani-paniwala ang portrayal ko at ‘yung nadadala at natatangay ang mga audience sa akin kapag pinapanood nila ako.

 “Noong nagsisimula pa lang kasi ako, pangarap ko nang maging isang versatile na actress. ‘Yung tipong kapani-paniwala ako sa lahat ng role na ibinibi-gay sa akin — kahit ang role ay sosyalera, dukha, sanggano, mabait, salbahe, mataray, luka-luka o maging ano pa man iyon. Halimbawa, mayroon ka-sing mga artista na mas bagay sa mayamang role, pero hindi naman kapani-paniwala kapag binigyan sila ng role na mahirap sila or vice versa.”

 Si Ms. Tetchie ay napanood sa maraming pelikula, kabilang ang mga international films na The Emerald Forest, Gymkata, Money Pit starring Tom Hanks,  Disorderlies, Rikki & Pete, at iba pa. Ang aktres ay bahagi ng casts ng forthcoming movie na Fallback na tampok sina Rhian Ramos, Zanjoe Marudo, Marlo Mortel, Daniel Matsunaga, Ricky Davao, Eagle Riggs, at iba pa, sa direksiyon ni Jason Paul Laxamana.

ALAM MO NA!
ni Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *