Sunday , October 21 2018
Breaking News
You are here: Home / Showbiz / The Ghost Bride tatlong beses mas nakatatakot sa Feng Shui
The Ghost Bride tatlong beses  mas nakatatakot sa Feng Shui

The Ghost Bride tatlong beses mas nakatatakot sa Feng Shui

NAGING markado ang pagganap noon ni Kim Chiu bilang anak ni Vilma Santos sa “The Healing” na ipinalabas sa mga sinehan noong 2012.

Ang husay ni Kim sa kanyang first horror movie at talagang kinatakutan ang mga eksena niya sa nasabing pelikula lalo sa bandang ending na tinangka niyang patayin ang kanyang Mommy Vi habang sinasapian ng masamang espirito.

Ngayong taon ay nagbabalik si Kim sa kanyang latest horror movie na “The Ghost Bride” na malapit nang mapanood sa mga sinehan at another masterpiece movie ni Direk Chito Rono. Kung pagbabasehan ang trailer ay 3X na nakatatakot sa “Feng Shui” na pinagbidahan noon ni Kris Aquino.

Ang big factor rito, akma kay Kim ang karakter na ginagampanan bilang Mayen na aalukin ni Alice Dixson na magpakasal sa patay kapalit ng malaking halaga para sa kanyang pamilya. Naikuwento ng Kapamilya actress singer (Chiu) sa nakaraang grand presscon ng kanilang movie, na may kamag-anak siya na naging ghost bride. Pinsan daw iyon ng lola niya. Patay na raw ang kamag-anak nilang ‘yun pero mayaman ang mga naiwang kamag-anak ni Kim at napagmanahan ang mga kapatid niya hanggang sa kaapo-apohan ay mayroon silang mga negosyo.

READ MORE:  Marian, posibleng makatikim ng pananaray ni Gloria Diaz

Nagbigay ng ideya si Kim kung paaano tatakbo ang kanyang papel sa pelikula at kung ano ang ibig sabihin ng ghost bride.

“Once na pinasok mo ang pagiging ghost bride parang idine-dedicate mo na ang sarili mo sa pamilya ng patay. So every Monday and Friday, every weekend idinadasal mo ‘yung patay tapos everyday ay pupuntahan mo ‘yung nitso niya, insensohan mo. Tapos lahat ng family event kailangan puntahan mo so, parang asawa mo siya talaga,” lahad ng aktres sa mga invited na entertainment press.

READ MORE:  Jacky Woo, mahilig sa lutong Pinoy kaya itinayo ang Kusina Lokal

Matutunghayan ng mga manonood ang nakatataas-balahibo at nakapipigil hiningang pagsaksi sa sakripisyong gagawin ni Mayen sa kanyang pagpasok sa nakatatakot na mundo ng isang kakaibang kasalan tulad ng makalumang ghost weddings, na itinuturing na legal sa kulturang Tsino.

Ipakikita rin ng The Ghost Bride ang ‘di mabilang na pamahiin (makaluma o moderno) na patuloy na inaapektohan ang ilang grupo sa komunidad ng mga Filipino-Chinese, partikular sa distrito ng Chinatown sa Binondo, Maynila.

READ MORE:  Totoong tao si Julia — Iñigo

Habang palalim nang palalim na nalulubog si Mayen sa underworld ng mga ghost weddings, marami siyang madidiskubre na maglalagay sa kanya sa panganib. Malalagpasan ba niya ang mga kagimbal-gimbal na mga pangyayari na kanyang pakakawalan bilang isang ghost bride?

Alamin at panoorin sa cinemas nationwide simula ngayong Nobyembre 1 ang The Ghost Bride, at kayo na ang bahalang tumuklas kung ano ang mangyayari kay Mayen? Tampok din sa nakatatakot na pelikula sina Matteo Guidicelli, Christian Bables, Robert Sena, Ina Raymundo, Beverly Salviejo, Isay Alvarez, Nanding Josef, Mon Confiado, Cacai Bautista, Victor Silayan, Jerome Ponce at marami pang iba.

VONGGANG CHIKA!
ni Peter Ledesma

COMMENTS

About Peter Ledesma

Scroll To Top
 

Copyright hatawtabloid.com | All Rights Reserved