Friday , March 29 2024
Bulabugin ni Jerry Yap
Bulabugin ni Jerry Yap

Illegal terminal sa Liwasang Bonifacio tuluyan na nga kayang nawalis?

NAPA-WOW naman tayong talaga.

One click lang pala ‘yan! Ganoon lang kabilis na nawalis ng grupo ni Metropolitan Manila Development Authority (MMDA) Chairman Danny Lim ang illegal terminal sa makasaysayang Liwasang Bonifacio sa harap ng Philippine Postal Corporation (PhilPost).

Hanggang kahapon, malinis ang Liwasang Bonifacio. Wala ang mga sasakyang ilegal na nakaparada gaya ng UV Express, provincial buses at iba pang private (colorum) vans sa nasabing pambansang liwasan.

Kung dati ay hindi mahulugang karayom ang Liwasang Bonifacio sa dami ng mga sasakyang ilegal na nakaparada sa nasabing lugar, kahapon ay super-luwag at super-linis. Naglaho na rin ang maantot at pagkapanghi-panghing umaalingasaw na amoy.

NAGDIWANG maging ang madudungis na bata sa harap ng Philpost building sa Ermita, Maynila na tuwang-tuwang nagsisipaglaro matapos galit na ipasara ni Manila Metropolitan Development Authority (MMDA) Chairman Danny Lim (insert) ang ilegal na terminal ng mga kolorum na UV Express at ang mga ilegal na vendor na nagtitinda sa paligid ng Philippine Postal Office. Habang ipinakikita ng isang UV Express driver ang sticker na nagsisilbing ‘passes’ nila para makagarahe sa Liwasang Bonifacio. (Bong Son)

Makikita ang mga batang masayang-masayang naglalaro at nagtatakbohan. Parang noon lang nila naunawaan kung ano ang ibig sabihin ng plaza o liwasan.

Kudos MMDA Chairman Danny Lim!

Wish lang natin na sana’y mapanatili at mapangalagaan ni Chairman Lim ang ganyang kaayusan sa Liwasang Bonifacio.

Mangyayari lang ‘yan kung ia-address nang tama ng MMDA ang traffic and parking system sa Metro Manila.

Huwag sanang maging katulad sa kugon na nagniningas pero sa ihip ng hangin ay tuluyang namamatay at nagiging abo ang alab.

Sana’y mapanagot din ni Chairman Lim ang barangay officials at PCP officials na kung ilang dekada o panahong nagkamal at ginawang balon ng delihensiya ang Liwasang Bonifacio.

Mantakin ninyong ilang dekadang binaboy at sinalaula ang monumento ni Gat Andres Bonifacio, ang Pambansang Bayani na isa sa pinagkakautangan natin ng dangal at loob kung kaya’t kahit paano ay alam natin kung ano ang kalayaan at kasarinlan.

MMDA Chairman Danny Lim Sir, ‘yan lang ang tanging pinakaaasam-asam ng mga Manileño, panagutin ang mga gahaman at huwag maging ningas-kugon ang pagiging malinis at maayos ng LIwasang Bonifacio.

SECRETARY ROY
CIMATU KASANGGA
BA NG BIG MINING
COMPANIES?

NAGDIRIWANG ngayon ang mining companies na nasa Filipinas lalo nang tanggalin ni Department of Environment and Natural Resources (DENR) Secretary Roy Cimatu ang bansa open-pit mining.

Parang dinig na dinig natin ang biglang pagye-yeheeey ng mining companies.

Ito umano ang first major policy shift ng DENR.

Ayon kay Chamber of Mines of the Philippines (COMP) Chairman Ronaldo Recidoro, ang desisyon ng decision ng Mining Industry Coordinating Council (MICC) ay “positive development for the mining industry” dahil ang open-pit mining daw ay tanggap sa buong mundo.

Wattafak!

Ito ay malaking kabaliktaran sa isinulong ni Madam Gina Lopez na parusahan at ipasara ang mga minahan na lumalabag sa isinasaad ng batas.

Malilimutan pa ba natin kung paano inilaban ni Madam Gina ang kanyang paninindigan alang-alang sa sa kapakanan ng bayan at ng likas na yaman?!

Ang masakit nito, mukhang mawawala at mabubura lang ang mga pagsisikap ni Madam Gina dahil sa interes ng iilan…

Ano sa palagay ninyo mga suki?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *