Monday , February 19 2018
Breaking News
You are here: Home / Bulabugin / Sen. Loren Legarda todo-suporta rin sa overtime pay
Sen. Loren Legarda todo-suporta rin sa overtime pay

Sen. Loren Legarda todo-suporta rin sa overtime pay

NAKATAKDA na raw i-allow ng senado ang paggamit ng Express Lane Fund ng BI para bayaran ang overtime pay ng mga empleyado.

Ayon kay Senate Finance Committee chair Sen. Loren Legarda, noon pa raw ay dati nang ginagamit ang ELF para pakinabangan ng mga taga-BI at hindi nagkulang ang senado sa kanilang tungkulin.

Noon pa man ay may inilaang provision ang mga mambabatas tungkol sa kaukulang badyet ng ahensiya pero nitong 2017 lang ay tuluyan itong nawala matapos pakialaman ni DBM Secretary Benjamin Dioklay ‘este Diokno ang naturang provision.

Sinasabi na nga ba!

Pakialamero nga!

Tuluyang ipinakita ng senadora ang kanyang suporta matapos ipakiusap sa kanyang mga kasamahan at kay Presidente Duterte na ibalik ang nawawalang benepisyo sakaling maipasa ang Senate Bill 1556 o ang Philippine Immigration and Registration of Foreign Nationals Act.

Good job madam senator!

Natatandaan natin, noong kauupo ng Pangulo ay sinabi ng senadora sa isang grupo ng mga taga-BI ang ilang puntos o legal bases para protektahan ang kanilang ELF.

Patuloy din daw tayo na kukutyain sa buong mundo kung makikita ng mga umaalis at dumarating na turista ang mahabang pila sa immigration bunsod ng sandamakmak na resignations ng mga empleyado nitong mga nakalipas na buwan.

Palibhasa nga at tadtad ng “feelers” ang kagawaran kaya ‘di nila sinunod ang mga payo ng senadora.

Inakala nila na isa si Senator Legarda sa mga kumokontra noon sa ELF.

Pero tulad din ng ating iniulat noon, iminungkahi ni Madam Loren na hindi uubra ang “hanash” ng mga “feelers” sa BI na “puso” at “bugso ng damdamin” ang pairalin.

Agree ka ba, Madam Ursula!?

Bawas muna ang mga hanash lalo sa social media, gurl?!

Dagdagan na lang ang dasal at nobena! Kalimutan muna ang mga hanash!

And for you, Madam Senator Loren, sana po ay magtagumpay ang maganda ninyong hangarin para sa Bureau!

Salamat po sa malasakit!

Magandang papasko po ito sa kanila kapag nagkataon!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright © 2009 - 2017 hatawtabloid.com | All Rights Reserved