Friday , March 29 2024
Bulabugin ni Jerry Yap
Bulabugin ni Jerry Yap

Obstruction sa kalye lagot kay Duterte (Illegal parking dapat nang alisin ng MMDA)

TIWALA si Metropolitan Manila Development Authority (MMDA) Chairman Danilo Lim na maipapatupad na nila ang paglilinis ng lahat ng mga obstruction sa main thoroughfare sa buong Metro Manila matapos ang maigting na direktiba ni Pangulong Rodrigo “Digong” Duterte noong kanyang 2nd State of the Nation Address (SONA).

Mukhang babalik na ang bilib ng mga tinabangan kay MMDA Chair Danny Lim, kung magagawa niyang linisin ang mga traffic obstruction sa buong Metro Manila.

Pero ang pasubali natin dito, mukhang nakatutok lang ang MMDA sa mga indibiduwal at pribadong motorista na nakaparada sa mga kalye sa harap ng kanilang bahay, sa itinatakdang bahagi ng Mabuhay Lane.

Ang Mabuhay Lane ay itinuturing na alternatibong ruta sa mga pribadong sasakyan upang makaiwas sa masikip na trapiko o sila ay makabawas sa pagsisikip ng trapiko.

Pero marami nga ang umaangal na hindi mai-maximize ang pagdaan sa Mabuhay Lane dahil maraming nakahambalang na nakaparadang sasakyan. Ang matindi, marami pa ang naka-double parking.

Sa isang banda naman, paano nga naman ‘matatakot’ ang mga indibiduwal na motoristang ginagamit na garahe ang mga kalsadang ginagastusan nang milyon-milyon ng gobyerno kung ang isang pambansang liwasan (national park) ay pinababayaang maging illegal parking area ng mga UV Express, kolorum na van at provincial buses ng mga opisyal ng barangay?

Isang ‘klasikong eksampol’ nito ang Liwasang Bonifacio (Plaza Lawton) sa harap ng Central Post Office at Postal Bank sa Ermita Maynila.

Paano nga namang makikiisang sumunod ang mga residente sa kahabaan ng Mabuhay Lane sa ‘kautusan’ ng Pangulo kung mayroong mas malaking ‘illegal parking’ na namamayagpag na mukhang ‘nakapagsasalok’ pa ng malaking kuwarta mula sa mga ilegalista?!

Kung ginagamit na lisensiya ni MMDA Chair ang direktiba ni Pangulong Digong para walisin ang mga sasakyang ilegal na nakagarahe sa kalsada, aba unahin nila ang ‘malawak’ na illegal parking sa Liwasang Bonifacio.

Sana ay totohanin rin ni MMDA Chairman Danny Lim na hihingin ang tulong ng local government units (LGUs) para mapatawan ng parusang suspensiyon sa loob ng anim (6) na buwan ang barangay officials na hindi malilinis ang mga obstruction sa kanilang lugar.

Chairman Danny Lim Sir, umpisahan na po ninyong linisin ang illegal parking sa Liwasang Bonifacio…

Now na!

MGA PULIS
NA TRIGGER-HAPPY
SALOT SA ANTI-DRUG
WAR NG PANGULO

KALUNOS-LUNOS ang sinapit ng mga residente sa Tondo, Maynila na sinabing suspek sa paggamit o pagtutulak ng shabu.

Tuwing naglulunsad ng anti-illegal drugs operation ang mga nagpapakilalang operatiba ng Tondo police, sinasabi nilang tatanungin lang nila ang mga suspek.

Pero kapag umalis na ang kamag-anak bigla na lang silang matatagpuang wala nang buhay.

Ang matindi pa, huling-huli sa camera na ipinapaling ng isang police operative ang CCTV camera para maitago kung ano ang gagawin nila.

Tsk tsk tsk…

‘Yang mga pulis na ‘yan ay nagpakilalang mga operatiba ng Manila Police District (MPD) Station 1 (Raxa Bago) and Station 2 (Morga).

Kung tutuusin, ang mga ganyang klaseng operatiba ang sumisira sa drug war ng Pangulo.

Kaya mabuti na rin na tuluyang inalis ng Pangulo ang anti-drug war operations sa PNP at tuluyang inilipat sa PDEA.

Pero kahit inilipat na sa PDEA, dapat pa rin imbestigahan at papanagutin ang mga kagawad ng pulisya na lumabag sa pagpapatupad ng batas sa pag-aresto ng mga suspek sa paggamit at pagtutulak ng ilegal na droga.

Ang tanong, sino ang mag-iimbestiga?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *