Friday , March 29 2024

Empoy, ‘itinali’ na ng Star Cinema

SA mga nagdaang linggo ay wala pang pelikulang lokal ang nakatatalo sa kinita ng Kita Kita na pinagbidahan nina Empoy Marquez at Alessandra de Rosi kaya naman muling kinuha ang komedyante para sa pelikulang The Barker na produced ng Blank Pages­ Productions at distributed ng Viva Films.

Hindi nagdalawang isip si boss Vic del Rosario na tanggapin ang The Barker dahil naniniwala siya sa magic charm ni Empoy tulad sa pelikulang Kita Kita na sinong mag-aakalang kakabig ito ng P300-M  sa Pilipinas at sa ibang bansa.

Going back to Empoy ay tinanong siya kung kanino siya mas kumportable, sa Kita Kita leading lady niya na si Alessandra o kay Shy Carlos sa The Barker.

“Kung sino po ‘yung unang magpapahiram sa akin ng ATM, ‘yun po,” birong sagot ng binata.

“Pareho naman po kasi, si Alex po nakasama ko rati sa MMFF movie, tapos si Shy naman nakasama ko rin sa TV5, naging leading lady ko po siya sa ‘Kapitan Osang’, hindi na po ako nahirapan sa kanila makisama,” pahayag ng komedyante.

Nabanggit din na baka huling pelikula na ni Empoy ang The Barker outside Star cinema dahil kamakailan ay pinapirma na siya ng exclusive contract na ibig sabihin ay hindi na siya puwedeng makagawa ng pelikula sa ibang movie outfit.

“Actually, exclusive nga po, after this po, parang ganoon nga po. Pero ‘pag collaboration po lahat ng movie makers, puwede naman po, magco-prod po puwede,” say ng komedyante.

Walang eksaktong bilang ng pelikula ang gagawin ni Empoy sa Starcinema, pero marami ang nakalinya, ”Two years po ang pinirmahan kong kontrata sa Starcinema. Actually, ‘yung manager ko po ang nakikipag-usap pagdating po sa mga ganyan. Thankful po ako kasi po, gusto po nila ko.”

Maraming humahanga kay Empoy dahil maski na siya ang may hawak ng record sa indie movies ay hindi pa rin nagbabago at mas lalo pang naging humble.

“Hindi po, kasi lagi pong nasa tabi ko si Lord,” aniya.

Totoo naman ang sinasabi ni Empoy na parating nasa tabi niya si Lord dahil hindi siya pinababayaan sa lahat ng oras at inilalayo siya sa anumang klase ng sakit tulad sa nakaraang check-up niya na negatibo  at pinayuhan siyang dumalaw sa dentista niya dahil may kinalaman ito kung bakit madalas sumakit ang ulo niya.

Mapapanood na ang The Barker sa Oktubre 25 mula sa direksiyon ni Dennis Padilla kasama rin sa pelikula sina Gary Lim at Shy.

FACT SHEET
ni Reggee Bonoan



About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *