Tuesday , December 12 2017
Breaking News
You are here: Home / Sports / NU, UST nanalasa sa Beach Volleyball (UAAP Beach Volleyball)
NU, UST nanalasa sa Beach Volleyball (UAAP Beach Volleyball)

NU, UST nanalasa sa Beach Volleyball (UAAP Beach Volleyball)

AYAW paawat ng defending  champion University of Santo Tomas Tigresses at Far Eastern University Lady Tamaraws upang manatiling nasa unahan ng women’s standings sa UAAP beach volleyball tournament sa Sands SM By The Bay.

Kinalos nina Tigresses spikers Cherry Rondina at Caitlyn Viray sina Bea de Leon at Jules Samonte, 22-20, 21-15 ng Ateneo Lady Eagles upang manatling malinis ang karta sa tatlong laban.

Pininta rin nina Lady Tamaraws duo, Bernadeth Pons at Kyla Atienza ang 3-0 card matapos paluhurin sina  Tin Tiamzon at May Luna, 21-23, 21-14, 15-10 ng De La Salle Lady Spikers.

Nasa solo third ang University of the Philippines Lady Maroons na binabandera nina Diana Carlos at Ayel Estrañero, (2-1) matapos talbusin sina Bern Flora at Chrislyn Uy,  21-13, 23-21 ng Adamson University Lady Falcons.

Nilista ng University of the East Lady Warriors ang unang panalo matapos manaig nina Judith Abil at Angelica Dacaymat kina Roma Doromal at Audrey Paran ng National University Lady Bulldogs, 21-14, 19-21, 15-11.

Kasalo ng Lady Warriors ang Lady Eagles, Lady Spikers at Lady Falcons na may tig 1-2 cards habang bokya pa rin sa panalo sa tatlong salang ang Lady Bulldogs.

(ARABELA PRINCESS DAWA)



COMMENTS

About Arabela Princess Dawa

Scroll To Top

Copyright © 2009 - 2017 hatawtabloid.com