Friday , August 17 2018
Breaking News
You are here: Home / News / Mason patay sa saksak ng katagay
Mason patay sa saksak ng katagay

Mason patay sa saksak ng katagay

PATAY ang isang mason nang pagsasaksakin ng katrabaho dahil sa mainitang pagtatalo habang nag-iinoman sa Caloocan City, kahapon ng madaling araw.

Agad binawian ng buhay sa insidente ang biktimang si Carlos Alerenio, nasa hustong gulang, at stay-in mason sa itinatayong ELEV townhouse sa Camarin Road, Brgy. 172, ng nasabing lungsod.

Habang patuloy na tinutugis sa follow-up operation ng mga pulis ang suspek na si Grigie Paja, 34, laborer, at residente sa 57 San Roque St., Brgy. Bagong Pag-asa, Quezon City, tumakas makaraan ang pananaksak.

READ MORE:  MILF pasok sa illegal drugs sa CL (Hinala ng PDEA Central Luzon)

Batay sa ulat ni PO1 Kaliver Castillejos kay Caloocan police chief, Sr. Supt. Jemar Modequillo, dakong 4:30 am, nang matagpuan ang wala nang buhay na biktima sa ground floor ng gusali, i-lang metro ang layo mula sa kanilang barracks.

READ MORE:  EJKs resulta nang paglabag sa Omerta

Sa imbestigasyon, nabatid na nag-iinoman ang mga construction worker nang magtalo ang suspek at biktima sa hindi nabatid na dahilan.

READ MORE:  Mag-utol, 1 pa nasakote sa carnapping, P.5-M RTWs nakaw

Inawat ng kanilang mga kasama ang dalawa ngunit habang natutulog ang biktima sa loob ng barracks ay pinagsasaksak siya ng suspek.

Bagama’t sugatan, nagawang tumayo ng biktima at lumakad ngunit pagdating sa labas ay bumagsak na walang buhay. (ROMMEL SALES)



COMMENTS

About Rommel Placente

Scroll To Top
 

Copyright hatawtabloid.com | All Rights Reserved