Friday , March 29 2024

Wala nang tiwala sa PNP ang mamamayan

BINATIKOS ni Senate President Aquilino “Koko” Pimentel III  ang pagpatay ng mga hindi kilalang hitmen sa konsehal ng Puerto Galera, Oriental Mindoro na si Melchor Arago at sa anak niyang 15-anyos na lalaki nitong Martes.

Sakay ang 52-anyos na si Arago ng kanyang kotse na nakaparada sa harap ng kanilang bahay nang paputukan ng dalawang lalaking lulan ng motorsiklo. Binaril din at napatay ng mga suspek ang kanyang anak na si Kenneth na palabas ng kanilang bahay.

Sabi ni Ka Koko: “Isa na naman itong pagpatay na karaniwan nang modus operandi ng mga lalaking lulan ng motorsiklo. Nasaan ang kapayapaan at kaayusan na dapat nating tanawin bilang utang loob batay sa sabi [PNP Chief] dela Rosa?”

Malinaw na tinukoy ng Senate President ang galit na pahayag ni PNP Chief Ronald dela Rosa na tinukoy niyang ang mga kritiko ng giyera kontra droga ay “ingrato” o walang utang na loob.

Hinamon ni Pimentel, malaki ang nagawa sa pagpasa ng NBI Modernization Law, ang PNP na ayusin ang hanay nito.

Giit niya: “Sobra na ang lakas ng loob ng mga kriminal sa kawalang kakayahan ng pulisya sa pagdakip sa kanila,”

Base sa datos mismo ng PNP, may 6,225 pagpatay kaugnay sa ilegal na droga mula Hulyo 2016 hanggang Setyembre 2017.

Idinetalye ito sa 2,290 drug-related deaths o kasong pagpatay na iniimbestigahan; 3,850 pagpatay sanhi ng operasyon ng PNP; at 85 pulis o militar na napatay sa aksiyon.

Para kay Pimentel, hindi katanggap-tanggap ang marami sa mga hindi nalutas na kasong pagpatay na nasa ilalim ng imbestigasyon.

Paglilinaw niya: “Ang isang pagpatay na hindi kinakailangan ng kamatayan ay napakarami. Idagdag pa ang malaking bilang ng hindi nalutas na pagpatay, na pinasama pa ng mga biktimang menor de edad, at magsisimula kang magtaka kung bakit naroon ang mga pulis.”

Idiniin ng lider ng Senado na dapat may wastong pagsasanay at kaalaman ang mga pulis para isulong ang kampanya ni Pangulong Duterte laban sa ilegal na droga at kriminalidad.

Dagdag ni Ka Koko: “Kailangan ng sambayanang Filipino ang makabago, propesyonal at may kakayahang puwersa ng pulisya. Sa ngayon, hindi taglay ng PNP ang mga katangiang ito. Kailangan natin ang radikal na aksiyon para mabago ang ganitong estado ng mga pangyayari,” dagdag ni Pimentel.

Ipinanukala ng Senate President ang VFA-style treaty sa mga dayuhang puwersa ng pulisya para sanayin ang PNP.

Matagal nang isinusulong ni Pimentel ang modernisasyon ng PNP bilang panguhing nagtaguyod ng Republic Act No. 10867 o ang “National Bureau of Investigation Reorganization and Modernization Act.”

Pero sa nangyayari sa hanay ngayon ng PNP, parang balewala sa mga pulis kung wala nang tiwala sa kanila ang sambayanan.

ABOT-SIPAT
ni Ariel Dim Borlongan



About Ariel Dim Borlongan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *