Thursday , March 28 2024
Sipat Mat Vicencio

Ngising-demonyo ang mga kapitan at kagawad

NGAYONG tuluyan nang ibinasura ni Pangulong Rodrigo “Digong” Duterte ang nakatakdang eleksiyon sa barangay at Sangguniang Kabataan,  tiyak na ngising- demonyo sa saya ang karamihan sa mga incumbent na barangay chairman, kagawad at lider ng SK.
Nitong nakaraang Lunes, 2 Oktubre, nilagdaan ni Digong ang Republic Act 10952 na nagpapaliban ng barangay elections na sana ay gagawin ngayong 23 Oktubre 2017.
Isinasaad sa batas na ang eleksiyon sa barangay ay gagawin sa susunod na taon (2018), sa pangalawang Lunes ng buwan ng Mayo, at ang mga mananalong barangay officials ay magsisimula ng kanilang panunungkulan sa 30 Hunyo 2018.
Isang malaking pagkakamali ang ginawang ito ni Digong. Lalo lamang kasing nagbigay lakas-loob ito sa mga barangay chairman, kagawad at SK official na ipagpatuloy nila ang mga tawaling gawain.
Hindi lingid sa ating kaalaman na maraming tamad at abusadong mga barangay officials, meron pa ngang ilan sa kanila ay sangkot sa ipinagbabawal na gamot.  Tuloy ang ligaya, ‘ika nga, at tiyak na lalong lalakas ang kalakalan ng droga sa mga barangay.
Kung natuloy kasi ang eleksiyon, may posibilidad na matalo ang mga tiwaling barangay officials pero dahil sa ginawang pagpapaliban ni Digong, parang binigyan pa niya ito ngayon ng panibagong buhay.
Hindi ba mismong si Digong ang nagsabing mayroong 5,000 barangay chairman na sangkot sa droga?  E, bakit hindi ito inaksiyonan ni Digong at lalong bakit hindi niya pinangalanan ang mga nasabing barangay chairman?
Kung nagawang pangalanan ni Digong ang mga heneral at politiko na sangkot sa ilegal na droga, bakit hindi niya pangalanan ang mga barangay kapitan na sangkot sa droga? Ang masakit pa, parang pamaskong handog ang ginawa ni Digong sa mga barangay officials dahil sa pagpapaliban ng halalan.
Walang lohika ang hakbang na ito ni Digong. Tiyak na lalong lumaki ang ulo ng barangay officials, at ang mga pusher at adik sa kani-kanilang barangay ay magdiriwang sa ginawang ito ng presidente. 
Kung tutuusin alam na naman talaga ng mamamayan sa bawat komunidad kung sino ang barangay chairman na sangkot sa ipinagbabawal na gamot. Bukod pa sa mga kapitan ng barangay, kilala rin nila kung sino-sino pang kagawad at tanod ang gumagamit ng droga.
Kung nais talaga ni Digong na malinis ang mga komunidad sa droga umpisahan niya ito sa mga opisyal ng barangay. Maglunsad ng totoong drug test sa mga kapitan, kagawad, tanod at SK officials kasabay ng paglulunsad ng seryosong Oplan Tokhang.

SIPAT
ni Mat Vicencio

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *