MALAKI ang naging ambag ni Nigerian center Chibueze Ikeh sa dalawang huling panalo ng Ateneo Blue Eagles sa UAAP Season 80 basketball tournament.
Nagtala si 6-foot-7 Ikeh ng average na 12.5 ppg, 11.0 rpg, 2.0 apg, at 1.5 bpg sa huling dalawang laro niya sapat para tulungan ang Blue Eagles na ilista ang malinis na anim na panalo.
Dahil sa kanyang kabayanihan tinanghal siyang UAAP Press Corps Chooks-to-Go Player of the Week.
Tumikada si Ikeh ng pitong puntos, 11 rebounds, tatlong assists at dalawang steals nang talunin nila ang University of Sto. Tomas, 94-84 noong Miyerkoles.
Makaraan ang tatlong araw, kumana si Ikeh ng career-high 18 points kasama ang 11 caroms at dalawang blocks para sa 96-83 panalo ng Ateneo kontra National University Bulldogs.
Sinalpak din ni Ikeh ng dalawang three pointers laban sa Bulldogs.
Hindi nasorpresa ang coaching staff ng Ateneo sa pangunguna ni coach Tab Baldwin dahil may go-signal naman si Ikeh na tumira sa tres.
Puntirya ng Ateneo ang first round sweep pagharap nila sa defending champion La Salle sa Linggo sa Mall of Asia Arena sa Pasay.
(ARABELA PRINCESS DAWA)
Check Also
Philippine athletics meet tatakbo na
Manila — Inilalagay ng Philippine Athletics Track and Field Association ang kanilang pinakamahuhusay na atleta …
Sa Liga ng Palarong Basketball ng BUCAA
MAGLARO NANG MAY PUSO — GOV. DANIEL FERNANDO
“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …
MILO Philippines kicks off 60TH year celebration; underpins commitment to grassroots sports development
15 April 2024 | Manila, Philippines – In a celebration event to mark its 60th …
Sambo PH team potensiyal sa int’l arena
KUNG medalyang ginto ang nais ng sambayanan mula sa contact sports, ibilang ang Sambo sa …
Asia’s beach volleyball squads maglalaban sa Smart AVC Beach Tour Nuvali Open
ELITE action returns sa world-class Nuvali Sand Courts sa City of Santa Rosa at ang …