Friday , June 22 2018
Breaking News
You are here: Home / Showbiz / New Generation Heroes na Advocacy film alay sa mga guro, showing na ngayon!
New Generation Heroes na Advocacy film alay sa mga guro, showing na ngayon!

New Generation Heroes na Advocacy film alay sa mga guro, showing na ngayon!

PALABAS na ngayong Oct. 4 ang New Generation Heroes, isang advocacy film na handog para sa mga guro sa World Teachers Day. Naging matagumpay ang premiere night nito na ginanap last September 29 sa Megamall Cinema-8. Maraming manonood ang na-touch sa pelikula, lalo ang mga guro mismo.

Mapapanood dito ang iba’t ibang klase ng mga guro tulad ni Ms. Aiko na kailangan pang pumunta sa Korea para roon magturo. Kailangan niyang magsakripisyo na mapalayo sa pamilya para lang masiguro ang kanilang future.

Saad ni Aiko, “Regalo po namin ang movie para sa mga guro, kaya sana sa mga students, they take time out para manood ng isang pelikulang makabuluhan. Para they can appreciate their teachers more kapag napanood nila ang pelikulang ito.”

new generation heroes

Hatid ng Golden Tiger Films ni Mr. Gino Hernandez at sa pamamahala ni Direk Anthony Hernandez, tampok din sa pelikula sina Ms. Anita Linda, Jao Mapa, at Joyce Peñas na isang model, fashion and jewellery designer at co-producer din sa pelikula. Kasama rin dito sina Dexter Doria, Debraliz Valazote, Alvin Nakkasi, Aleera Montalla, Rob Sy, at JM Del Rosario.

Si Ms. Joyce naman ay typical na guro na kailangan magbenta ng kung ano-ano kaya matatawag siyang isang raketerang guro. Na kailangang magsipag talaga para matustusan din ang pagpapagamot sa anak na may celebral palsy. Ang mga karakter nina Jao at Ms. Anita naman dito’y sumasalamin sa ibang klase ng guro. Retiradong titser ang 93 year old na veteran actress, na nakilala si Jao na may-ari naman ng junk shop. Hindi nakatapos ng pag-aaral si Jao, kaya sa kagustuhang makatulong sa mga kabataang hindi nag-aaral, nagtuturo siya sa kanila.

Ayon naman kay Direk Anthony, “Masarap sa pakiramdam po ang makagawa ng pelikula na magbibigay aral or magbubukas sa kaisipan ng mga manonood. Kaya ang New Generation Heroes ay alay namin po sa lahat mamamayang Filipino, dahil lahat po tayo ay dumaan sa ating mga guro. Sana mapanood po nila dahil dito nila makikita ang kahalagahan ng edukasyon at ng mga guro sa buhay ng bawat isa sa atin. Ito po ay tribute namin sa mga guro, dahil alam naman natin kung gaano kahalaga ang papel na ginagampanan nila sa ating lipunan.”

Wika niya, “Ang New Generation Heroes is a touching film that narrates the story of four individuals that tackles the world of teaching in all its forms.”

Showing na ngayon ang pelikulang New Generation Heroes na halos kasabay ng pagdiriwang ng World Teachers Day na ginaganap tuwing October 5.

https://www.facebook.com/newgenerationheroesofficial/?ref=br_rs

ALAM MO NA!
ni Nonie V. Nicasio

COMMENTS

About Nonie Nicasio

Scroll To Top
 

Copyright © 2009 - 2017 hatawtabloid.com | All Rights Reserved