Saturday , September 22 2018
Breaking News
You are here: Home / Showbiz / Ai Ai, ayaw maintriga kaya ‘di inimbita si Kris sa kanyang kasal
Ai Ai, ayaw maintriga kaya ‘di inimbita si Kris sa kanyang kasal

Ai Ai, ayaw maintriga kaya ‘di inimbita si Kris sa kanyang kasal

IMBITADO man o hindi ni Ai Ai delas Alas ang dating matalik na kaibigan sa bakuran ng ABS-CBN na si Kris Aquino, hindi isyu sa Comedy Queen at hindi natin siya masisisi lalo na ‘yung nakaaalam sa kuwento ng dalawa na ang Queen of All Media ang may pagkukulang.  

Oo nga’t nagkaayos ang dalawa, hindi na nanumbalik sa rati ang kanilang pagkakaibigan. Kaya lang marami pa rin ang nangungulit, kung imbitado ba talaga si Kris sa nalalapit na pagpapakasal ni Ai-Ai kay Gerald Sibayan.

“Importante sa akin ang araw na ‘yun, kaya sana huwag nang intrigahin.

“Sana isaalang-alang at igalang nila ang feelings ko. Mas pipiliin ko na huwag sagutin ang mga intriguing question dahil kahit ano pa ang isasagot ko, siguradong may sasabihin ang haters at bashers. Sabi nga, ‘There’s always peace in silence. A meaningful silence is always better than meaningless words’,” paiwas na sagot ng Kapuso Comedy Queen. 

Samantala, sa panayam naman kay Boy Abunda na ‘Ama’ ang tawag ni Ai-Ai, masaya nitong nasabi na, “I’m happy, it’s a celebration of love. Ako ang ninong, ako ay bahagi ng kasal. Everybody who celebrates love and everybody who want to put it in a ceremony that makes it permanent, I have total respect for her,” masaya nitong litanya.

STARNEWS UPLOAD
ni Alex Datu



COMMENTS

About Alex Datu

Scroll To Top
 

Copyright hatawtabloid.com | All Rights Reserved