Saturday , June 23 2018
Breaking News
You are here: Home / News / Paring hostage ng Maute iniligtas ng special forces
Paring hostage ng Maute iniligtas ng special forces

Paring hostage ng Maute iniligtas ng special forces

INILIGTAS ng Special Forces commandos ang paring binihag ng teroristang grupong Maute, ayon kay Pangulong Rodrigo Duterte.

Sa ambush interview kahapon sa burol ni PO3 Junior Hilario sa Bagumbong, Caloocan, City, sinabi ng Pangulo, hindi pinakawalan ng Maute si Fr. Chito Suganub kundi iniligtas ng commandos ng SF ng Philippine Army.

“Si Fr. Sumanug he was not released he was liberate through special operation… separate, separate sila ibig sabihin ginapang sila ng special forces or ranger backdoor,” anang Pangulo.

Muling binigyan-diin ng Pangulo, hindi titigil ang operasyon ng Armed Forces of the Philippines (AFP) sa Marawi City habang hindi napapatay ang huling terorista sa siyudad kaya’t imposibleng pumayag siya sa hirit ng Maute na pabayaan silang makalabas ng lungsod kapalit nang pagpapalaya sa kanilang mga bihag.

“Impossible, I will not even agree to look at them I said naintindihan ninyo ako noon pa, this will not end until the last terrorist is taken out. That is my order to the armed forces pati sa police hanggang katapusang tao doon na masama,” aniya.

Isiniwalat ng Pangulo na lahat nang nakatakas na kababaihang bihag ng Maute ay inamin na ginawa silang sex slaves ng mga terorista, araw-araw ay ginagahasa.

Sukdulang paglabag sa karapatang pantao ang sinapit ng mga kababaihang bihag, ayon sa Pangulo.

“Paano ‘yung, how the women were treated there kasi lahat ng nakalabas nakaeskapo they said nasa newspaper nakuha ko lang ‘yun sa inyo media they were being repeatedly raped every night. That’s a gross violation of the rights of a human being affront on the dignity of women ng Filipinas,” ani Duterte.

(ROSE NOVENARIO)

COMMENTS

About Rose Novenario

Scroll To Top
 

Copyright © 2009 - 2017 hatawtabloid.com | All Rights Reserved