Monday , November 20 2017
Breaking News
You are here: Home / Showbiz / Sikat na aktres, hilig ang mambato ng laptop kapag nagagalit
Sikat na aktres, hilig ang mambato ng laptop kapag nagagalit

Sikat na aktres, hilig ang mambato ng laptop kapag nagagalit

“‘Di ba, malas ‘yung nagbabasag o naninira ka ng gamit?” tanong ng aming katsikahan bago ilahad ang kuwento tungkol sa isang sikat na aktres.

Pagpapatuloy niya, ”Ang alam ko, ‘yung salamin na may basag, ‘yun ang dapat itapon kasi malas ‘yung gagamitin mo pa ‘yon, pero ibang klase ang aktres na ito!”

Ang sister, kapag nag-aaway pala sila ng kanyang mister, ang madalas pagdiskitahan ng aktres na ito’y ang kanyang laptop. “As in sa laptop niyang mamahalin niya ibinubunton ang imbiyerna niya kapag bad trip siya sa husband niya! Ang gagawin ng hitad, eh, ihahagis niya ‘yon. Natural, sira ang kaawa-awang laptop na pagkamahal-mahal pa mandin!”

Pero hindi problema sa aktres na ‘yon kung lasog-lasog man ang kanyang expensive gadget, ”Eh, ‘di tsugi na nga ‘yung inihagis niyang laptop? ‘Day, kinabukasan, buy siya ng bago! Pero kapag naiirita na naman siya sa dyowa niya, ‘yun naman ang ibabalibag niya ng bonggang-bongga! Maano ba namang magtawag na lang siya ng mga utaw na walang laptop para ‘pag inihagis niya ‘yon, eh, masasalo nila. Eh, ‘di napakinabangan pa, ‘di ba? Kung sabagay, ano ba naman ang pera sa aktres na ‘yon, eh, puwede nga niyang bilhin ang isang buong pabrika ng laptop, ‘no!”

Da who ang aktres na itey na mahilig mambato ng laptop? Itago na lang natin siya sa alyas na Sharmaine Urdaneta. 

(Ronnie Carrasco III)

COMMENTS

About Ronnie Carrasco III

Scroll To Top

Copyright © 2009 - 2017 hatawtabloid.com