Categories: Opinion

Pagpupugay kay Makoy

NGAYONG araw, Setyembre 11, ang kapanganakan ni dating Pangulong Ferdinand Marcos. Idineklara ng Malacañang bilang special non-working holiday ang buong lalawigan ng Ilocos Norte bilang paggunita  sa ika-100 taon kaarawan ng dating pangulo.

Bilang pagkilala sa birth centennial ni Marcos, ipinalabas ni Pangulong Rodrigo “Digong” Duterte ang Proclamation No. 310 na nagbibi-gay daan para lubusang gunitain ng mga Ilokano ang mga naging kontribusyon ni Marcos sa Filipinas.

Bukod sa naging pangulo ng bansa, si Marcos ay naging senador, kongresista at higit sa lahat ay naging sundalo muna ng Filipinas. Kamakailan lamang, tuluyang kinatigan ng Korte Suprema na ilibing si Marcos sa Libingan ng mga Bayani sa kabila ng pagtutol ng ilang grupong kalaban ng pamilya Marcos. Si Marcos ay ipinanganak noong 11 Setyembre 1917 sa Sarrat, Ilocos Norte, at lumaki sa bayan ng Batac.  Ang kanyang mga magulang ay sina Mariano Marcos at Josefa Edralin. Nag-aral siya sa University of the Philippines at nagtapos ng abogasya.

Sa paggunita sa kanyang 100 taon kaarawan, ilang programa ang inilatag ng pama-halaang lalawigan ng Ilocos Norte gaya ng Literary at Art Festival, dalawang araw na aktibidad para ipakita ang mga nagawa ni Marcos at iba’t ibang mga patimpalak.

Sisimulan ang paggunita sa birth centennial ni Marcos sa pamamagitan ng Misang Bayan na gagawin sa Ilocos Norte, Tacloban, Metro Manila at iba pang lalawigan. 

Sa pamamagitan ng pagtugtog ng kampana na sabay-sabay, magiging hudyat ito ng pasi-mula ng nasabing paggunita.
Magkakaroon din ng forum sa Ilocos Norte na inaasahang dadaluhan nina Prof. Clarita Carlos ng UP, Prof. Antonio Contreras ng De La Salle University, former Minister of Budget Dr. Jaime C. Laya, Atty. Estelito Mendoza at iba pang mga lider-politiko ng bansa.

Inaasahang dadalo rin si Digong sa ika-100 kaarawan ni Marcos.

Halos lahat ng mga Ilokano, maliban na lang siguro kay Congressman Rudy Fariñas na nagpakulong sa “Ilocos 6” ay makikiisa sa pagdiriwang at paggunita sa ika-100 kaarawan ng dating pangulo.

Ano nga naman kasi ang mukhang ihaharap nitong si Fariñas sa mga Ilokano kung dadalo siya sa paggunita ng centennial na kapanganakan ni Marcos kung siya mismo ang nagpakulong at umapi sa mga inosenteng empleyado ng provincial capitol ng Ilocos Norte.

Magkaganoon man, nakasisiguro tayong masayang ipagdiriwang ng mga Ilokano ang kapanganakan ng kanilang bayaning si Ferdinand Edralin Marcos. Lahat ay makapagpupugay sa kinikilalang Apo Ferdie.

Ang inyong lingkod sa Sipat, ay kabilang sa nagbibigay pugay kay Makoy!

SIPAT
ni Mat Vicencio

COMMENTS
Mat Vicencio

Share
Published by
Mat Vicencio

Recent Posts

11 patay, 60 missing sa Cebu landslide

UMABOT na sa 11 katao ang kom­pir­madong namatay habang 60 ang nawawala sa pagguho ng bahagi ng isang bundok sa…

13 hours ago

Ken, na-pressure kina Miguel at Kris; aminadong nahirapan sa bagong serye

AMINADO si Ken Chan na mas hirap siya sa papel niya bilang Boyet sa My Special Tatay kaysa papel niya…

21 hours ago

Nadine, tumulong na, na-bash pa

WALA na talagang pinatatawad ang mga basher dahil kahit ang simpleng pagtulong sa mga nangangailangan ng mga artista ay bina-bash…

21 hours ago

Gabby, allergic pag-usapan si Sharon

NO reaction at ayaw magbigay ng komento ang mahusay na actor na si Gabby Concepcion kapag itinatanong si Sharon Cuneta.…

21 hours ago

‘Pagtakbo’ ni Dingdong, kinompirma ni Marian

SIGAW sa dyaryo, sasa­mahan ni Marian Rivera ang asawang si Dingdong Dantes sa pagtakbo.  Kaya marami ang nag-isip na papasok na ang aktor sa…

21 hours ago

Maine, inimbitahan ni Coco sa Ang Probinsyano

KUNG si Coco Martin ang masusunod, gusto nitong magkaroon ng special appearance si Maine Mendoza sa FPJ’s Ang Probinsyano para…

21 hours ago