Categories: Opinion

Extrajudicial killings dapat resolbahin ng law enforcer agencies

NAALALA ko ang akdang Missing: The Execution of Charles Horman ni Tom Hauser na isinalin sa pelikula ng Greek filmmaker na si Costa-Gavras noong 1982.

Istorya ito ni Charles Horman, isang batang-batang American journalist na pinatay sa ilalim ng diktadura ni Augusto Pinochet. Si Charles Horman ay biktima ng mga sundalo ng puppet na rehimen ni Pinochet.

Direktang utos man o hindi ni Pinochet ang pagpatay sa mamamahayag na si Horman, naging mitsa ito para lalong lumakas ang social unrest laban sa namamayaning diktadura. Mismong Estados Unidos ay nagalit at iyon ang naging mitsa ng pagbagsak ng diktadurya ni Pinochet. Naalala natin ang istoryang ito, dahil sa magkakasunod na insidente ng pamamaslang sa tatlong kabataan — kay Kian Loyd delos Santos, 17; Carl Angelo Arnaiz, 19; at Reynaldo de Guzman, 14.

Sabi nga ng mga taga-urban poor community hindi mukhang tokhangin ang tatlo pero bakit naging biktima sila ng karumal-dumal na pamamaslang?!

Maraming nagalit sa paraan kung paano pinatay sina Kian Loyd at Carl Angelo pero mas marami ang nagalit, nagmura, at tumulo ang luha at uhog nang mabunyag sa publiko na 30 beses sinaksak ang yayat at batang katawan ng 14-anyos na si De Guzman.

Gawa ba ito ng mga pulis na pumatay kay Kian Loyd at Carl Angelo?!

READ: Binatilyong kasama ni Arnaiz natagpuang patay sa Nueva Ecija (May 30 saksak sa katawan)

Puwedeng gawin ito ng isang tao na may bulkan na nagngangalit sa dibdib. Pero anong bagay ang nagbigay nang ganitong klase ng galit sa killer ni De Guzman para paulit-ulit siyang saksakin?!

Kulang na lang ay gutayin ang kanyang mura at yayat na katawan.

Tao ba o hayop ang gumawa nito!?

Extrajudicial killings (EJKs) ang politically correct term na ginagamit ngayon sa ganitong pagpaslang.

READ: Kabataang matitino target ng ‘uniformed-vigilantes (Bahagi ng destab)
READ: Digong bumanat: ‘Piyok’ sa EJKs ‘misyon’ ni Risa
READ: EJKs ‘bala’ sa 2019 polls (Ikakarga sa drug war) — Santiago
READ: EJK cops kalaboso kay Duterte

At ang terminong ito ay nilalaro-laro ngayon ng mga political monster.

Sa ganang atin, higit na nakaaalarma rito ang tila pagpapalit ng estilo ng mga killer.

Mula sa mga dating tulak o lulong sa droga na itinutumba ng mga maskarado at naka-motorsiklong killer, mga kabataang may matinong records naman ngayon ang pinapaslang. Sa mga napapaslang na tulak o lulong sa droga, hindi nakalikha ng malaking apoy ang mga political monster bagkus maraming mamamayan ang natutuwa dahil naging payapa ang kanilang komunidad.

Pero nang pumutok ang insidente ng pamamaslang kay Kian Loyd, anak ng isang overseas Filipino worker (OFW), nakitaan ng galit ang sambayanan.

Kasabay ng galit ng mamamayan sa pumaslang kay Kian Loyd, pumutok ang isyu ng P6.4-bilyong shabu smuggling sa Senado, at ang tara system sa Bureau of Customs (BoC) kaladkad ang pangalan ng malalapit sa Pangulo.

Kasunod nito ang kagimbal-gimbal na pagbubunyag ng dating customs commissioner na isang anak ni Senador Panfilo “Ping” Lacson ang sangkot sa cement smuggling.

Pero habang pinag-uusapan ang palitan ng akusasyon nina Faeldon at Lacson, biglang natagpuan ang bangkay ng nawawalang si Carl Angelo, 19, anak din ng isang overseas Filipino worker (OFW) sa isang morgue sa Caloocan City.

May limang tama ng punglo sa katawan at maraming palatandaan na pinahirapan muna bago tuluyang pinatay.

Sa panahon na nagsisikap ang pamahalaan na resolbahin ang insidente ng pamamaslang kay Carl Angelo, biglang pumutok ang balitang natagpuan ang bangkay ng 14-anyos na si De Guzman sa Nueva Ecija, na kasamang nawawala ni Carl Angelo.

READ: Binatilyong kasama ni Arnaiz natagpuang patay sa Nueva Ecija (May 30 saksak sa katawan)

Kaya’t muli na namang natuon ang isyu sa sinasabing extrajudicial killings sa ilalim ng administrasyong Duterte.

Habang sa Senado kahapon, ginigiling sa isyu ng P6.4-bilyong shabu ang anak ni Pangulong Digong na si Davao City vice-mayor Polong Duterte.

Are there political monsters at work?!

Ang tanging makasasagot ng tanong na ito ay kung magtatrabaho nang tama at matalino ang pulisya na pinamumunuan ni PNP Chief, Director general Ronald “Bato” dela Rosa o kaya ang National Bureau of Investigation (NBI) na pinamumunuan ni Atty. Dante Gierran.

Mga Sir, ang kapanatagan ng bayan ay nakasalalay po ngayon sa inyong mga kamay.

Dapat ninyong resolbahin bilang law enforcers kung ang pagpatay ba kina Kian Loyd, 17, Carl Angelo, 19, at Reynaldo, 14, ay isang police brutality?!

O ito ay gawa ng mga political monster na planong biyabitin ang administrasyong Duterte gamit ang pagbubuwis ng buhay ng mga kabataang maituturing na pag-asa ng bayan?!

Hindi na ba mga kabataang tokhang kundi mga iskolar at matitinong kabataan ang target ngayon ng mga nagnanais pabagsakin ang Duterte administration?!

Simple logic: kapag pumatay ng tokhang, maramig nagdiriwang na mamamayan; kapag pumatay ng iskolar, bubulwak ang galit ng sambayanan habang nagsasaya ang mga political monster.

This is my take. What about yours?

ANG TONGPATS
SA KALAKARAN
NG BATO SA TONDO

MATAGAL na tayong nakatatanggap ng mga sumbong at reklamo ng ilang concerned citizens na residente sa Tondo, Maynila kaugnay sa illegal activities ng ilang personalidad na ayaw pa rin maglubay sa pagbebenta ng ilegal na droga sa kabila ng mas pinaigting na kampanya ni CPNP DG Bato Dela Rosa kontra droga!

Sa kabila ng kaliwa’t kanang drug raids ng pulisya e may nananatili pa ring malakas ang loob na tila may mga sinasandalang pader na hindi matitibag.

Alam naman siguro ng karamihan na A1 info ang ating mga inilalabas na detalye partikular kung pagsisiwalat ng katotohanan kaugnay sa krimen at droga!

Sabi nga nila e minsan na rin daw tayong naging daan upang mabigyan ng hustisya ang pagkamatay ng isang kabaro ninyong matino at anti-drug advocate na pulis-Maynila, dahil sa mga expose ng BULABUGIN, ‘di po ba mga sir!?

Base sa mga sumbong, patuloy ang kalakaran at bentahan ng droga sa mga eskinita mula sa Moriones St., hanggang sa Herbosa St., dahil sa isang tongpats na kinilalang si alias POKLAT na bata-batuta ng isang magaling magpanggap na police awardee?!

Major problem ‘yan!

Putok sa lugar na palarga ito ng isang dating lespu na si alyas BOSS MAY-MAY y balasador na kaanak naman ng isang dati rin pulis-Maynila na BFF ni pekeng police awardee dahil ilang taon niyang naging intelihensiya BAGMAN! Sabi nga ng isang matino at retiradong lespu e ‘yung mga dagang-dingding na nagbebenta ng droga sa lugar ng Tondo ay mula sa pag-aangkat anila sa grupo nina alyas MAY-MAY at POKLAT.

Magaling daw kasi sa diskarte ang tandem na mana sa turo ng amo nilang magaling magpanggap!

Sa umaga hanggang tanghali lamang, visible sa Pacheco, Bangkusay at Herbosa si alias May-may dahil pagdating ng hapon hanggang dis-oras ng gabi ay makikita na raw sa kanilang tarima sa mga sugalan na naglalaro ng pusoy at mah-jong.

Kapag maganda ang salyahan nila ng item/bato na hango mula sa Delpan at Binondo e sa casino naman nagbababad gaya sa Manila Opera House.

Siyempre kasama niya ang amo niyang si Major problem!

Kahit itanong pa ninyo kina sir Rizal at Tata Linis!

Istambayan rin nila ang ilang KTV club at hotel-casino, habang nagpapalamig at naghihintay ng darating na grasya mula naman kay alyas POKLAT na boy-benta cum salya ng droga sa Tondo!

Sonabagan!!!

By the way, lumutang pala sa isang presinto itong isang pekeng police awardee para arborin ang isang nahuling drug suspect na naka-kuwadra kina alias Maymay at Poklat?!

MPD DD Joel Coronel, magtataka ka pa ba kung bakit mayroon pa rin malakas ang loob na magtulak ng shabu sa Tondo!?

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Seguridad ni Palparan sa bilibid tiniyak ni Bato

TINIYAK ni Bureau of Corrections Director Ronald “Bato” dela Rosa ang seguridad sa loob ng New Bilibid Prison kay retired…

1 day ago

Hatol kay Palparan ikinagalak ng leftist groups

IKINATUWA ng mga makakaliwang kongre­sista ang hatol na “guil­ty” kay dating Heneral Jovito Palparan kaugnay sa pagkawala ng dala­wang estudyante…

1 day ago

Palparan guilty sa ‘dinukot’ na 2 UP students

HINATULAN ng Malolos Regional Trial Court (RTC) nitong Lunes si dating Major General Jovito Palparan na guilty sa mga kasong…

1 day ago

Singer-aktres, nagkulong dahil sa sampal ng nanay

ANG tindi niyong tsismis ha, bigla na lang daw sinampal ng nanay niya ang isang singer-aktres nang hindi niyon magustuhan…

1 day ago

Kiko, ‘wa ker makipaghalikan sa bading

BONGGA si Kiko Matos, huh! May dalawang pelikula kasi siya sa ToFarm Film Festival 2018, ang Mga Anak ng Kamote mula sa direksiyon ni Carlo…

1 day ago

Marlo, ilang beses napanaginipan ang ina

AYON kay Marlo Mortel, maraming pagkakataon na dinalaw na siya sa panaginip ng namayapa niyang inang si Mrs. Merlie Pamintuan. “After niyang…

1 day ago