Categories: Opinion

The last ‘left’ unclinged from Duterte’s bough

TULUYAN nang ibinasura ng makapangyarihang Commission on Appointments (CA) ang pagtatalaga kay Department of Agrarian Reform (DAR) secretary Rafael ‘Paeng’ Mariano.

Siya ang huli at ikaapat na appointee ni Pangulong Rodrigo “Digong” Duterte, mula sa kaliwa at progresibong hanay, na ibinasura ng CA.

Kung sa kanta ng The Cascades ay “the last leaf clings to the bough” ang kay Ka Paeng Mariano — “the last ‘left’ had unclinged from Duterte’s bough.”

Unang inilaglag ng CA si Perfecto Yasay bilang kalihim ng Department of Foreign Affairs (DFA), kasunod nito ay si Ms. Gina Lopez sa Department of Natural Resources Energy (DENR), at kailan lang ay si Prof. Judy Taguiwalo, bilang kalihim ng Department of Social Welfare and Development (DSWD).

At kahapon nga, si Ka Paeng.

Iisa ang kanilang common denominator, pare-pareho silang paborito at hinahangaan ng publiko sa kanilang katapatan at paninindigan at ayon mismo kay Pangulong Digong, dedikado at determinado sa paglilingkod sa sambayanan.

Si Ka Paeng Mariano ay dating tagapangulo ng Kilusang Magbubukid sa Pilipinas (KMP) at naging party-list representative ng Anakpawis Party-list sa mga nakaraang administrasyon.

Sa panahon ni Pangulong Digong, siya ay itinalagang kalihim ng DAR sa rekomendasyon ni Communist Party of the Philippines (CPP) founder Jose Maria Sison, na dati namang professor ng Pangulo.

Sa kabila ng matapang na pagharap ni Ka Paeng sa iba’t ibang kontrobersiyal na isyu na kinakaharap ng agrarian reform sa bansa, matapang niyang itinindig ang moratorium sa land conversion na gaya ni Madam Gina ay tinutulan ang open pit mining at iba pang uri ng pang-aabuso sa likas yaman ng bansa.

At mula sa nasabing paninindigan, parang unti-unti na rin nilang hinukay ang paglilibingan ng kanilang appointment — dahil maraming interes ang nasagasaan. ‘Yun nga lang interes ng malalaking politiko, mandarambong na negosyante at mga landgrabber na nagmamaskara bilang real estate developer.

Sa kasalukuyan, may natitira pang isa mula rin sa kaliwa — si National Anti-Poverty Commission (NAPC) Director Liza Maza, pero hindi kailangan pagtibayin ng CA ang kanyang appointment.

Sa naging kapalaran nina Yasay, Lopez, Taguiwalo at Mariano sa kamay ng makapangyarihang CA, ibig bang sabihin na walang magagawa si Pangulong Digong kahit bilib siya sa performance ng kanyang mga appointee?!

Mukhang ganoon na nga…

Sa isang banda, isang magandang palatandaan din ito na hindi iba-bargain ng Pangulo ang kanyang paninindigan kapalit ng probetsong iba-barter sa kanya ng CA.

Sabi nga, that’s politics!

MATINDI PA RIN
ANG KAMANDAG
NG MAG-BFF FIXERS
SA BI! (ATTN: SOJ
VITALIANO AGUIRRE)

MATAPOS daw manahimik pansamantala ang mag-BFF fixers na sina Betty Chuachowchow at Anna Senghot sa kanilang transaksiyones sa Bureau of Immigration (BI), balitang umarya na naman ngayon ang pambabraso, sa mga papeles lalo sa opisina ng kanilang bespren na hepe.

Marami raw ang naiiritang mga empleyado sa BI dahil kahit baluktot ang mga papel ay pilit itinutuwid!

King-enuh!

Hindi ba talaga kayang suhetohin ang dalawang ‘yan sa BI!?

Pati raw sa mga pinaaaprubahan sa BI Board of Commissioners ay pilit binabraso ng mag-BFF fixers para masigurado na maisasama sa agenda?!

Wattafak?!

Buti raw sana, kung marunong silang makiusap. Problema kundi bukol sa mga bossing ay kung sino-sino pang padrino ang ginagamit na pangalan.

Well, matagal na talagang problema sa Bureau ang mag-BFF na ‘yan.

Kung magkakaroon ng pagdinig sa senado o kamara dapat din imbestigahan ang dalawang ‘yan dahil ilang administrasyon na ang dumaan pero patuloy silang namamayagpag sa BI.

Tingnan natin kung umubra ‘yang puro pa-Vikings at pa-Pizza kapag naisalang kayo sa legislative hearings.

Since hindi naman napagtutuunan ng pansin ng mga Immigration commissioners ang dalawa, mas mabuti siguro kung si SOJ Vitaliano Aguirre na ang mag-utos na paimbestigahan ang mag-BFF na fixers na matagal nang namamayagpag sa Bureau!

Ano sa palagay ninyo?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Muntinlupa City named 2018 Most Business Friendly LGU

FOR the second consecutive year, Muntinlupa City is again hailed the Most Business-Friendly LGU in the country by the Philippine…

20 hours ago

Bukol ng utol nalusaw sa Krystall

Dear Sis Fely, Magandang buhay po, sumasainyo ang pagpapala ng Panginoon, Yahweh El Shaddai sa ngalan ng bugtong niyang anak…

1 day ago

Wild and Free nina Sanya at Derrick palabas pa rin sa maraming sinehan

MAGANDA ang naging resulta sa takilya ng launching vehicle ni Sanya Lopez sa Regal Multi­media na “Wild and Free” katambal…

1 day ago

Kanta ni John Alejandro para sa Azkals PH Team at AlDub libo-libong views na sa Youtube

PALIBHASA proven sa kaniyang pagiging mahusay na performer, patuloy sa pagiging in-demand ang Pinoy versatile recording artist na si John…

1 day ago

Sylvia Sanchez, lucky charm ng BeauteDerm!

PATULOY ang pagdating ng blessings sa premyadong aktres na si Sylvia Sanchez. Kamakailan ay nagwagi na naman ng award ang…

1 day ago

Mader Sitang ng Thailand, gustong manirahan na sa Filipinas

AGAD napalapit ang loob ni Mader Sitang sa mga Filipino sa pagdalaw niya sa bansa. Kaya naman nais ni Mader…

1 day ago