Categories: Opinion

Peping Cojuangco inugat na sa POC Tama na! Baba na!

SADYANG lugmok sa kangkungan mga ‘igan ang napakasamang performance ng bansa sa Southeast Asian Games (SEAG) na ginanap sa Kuala Lumpur Malaysia kamakailan lang.

“The 24 gold was the worst ever performance by the Philippines in the SEA Games, worse than 2001 and 1998 SEA Games both held in Malaysia. I will talk to the different National Sports Association (NSA) leaders and ask them to strengthen their sports programs. Avoid another debacle in 2019 the Philippines is hosting,” pagdidiing-paliwanag ni Philippine Sports Commission (PSC) Chairman William ‘Butch’ Ramirez.

Sa kabila ng nakadedesmayang performance ng mga atletang Pinoy mga ‘igan, nagawa pa rin ipagmalaki ni Chairman Ramirez ang ating national athletes na nakipagtagisan ng lakas sa nakaraang 29th SEAG.
“I really salute the way you play, the way you fought,” dagdag ni Ramirez. Ano’t pababa nga naman mga ‘igan ang naging performance ng ating mga atleta? Sino ba ang dapat pukulin sa pangyayaring ito sa larangan ng isports ng bansa?

Aba’y, Philippine Olympic Committee (POC) President Jose ‘Peping’ Cojuangco Jr, sus ginoo kayo, huwag patulog-tulog sa pansitan! Kaawa-awa sa kamay n’yo ang pangangasiwa sa isports ng bansa. Sa totoo lang mga ‘igan, napakatagal nang panahon na hinawakan ng ‘mama’ ang POC, ngunit sa kasamaang-palad, wala ‘igan… walang magandang nangyayari sa isports, bagkus pa-worst, ‘ika nga ni Ramirez, na tama naman mga ‘igan!

Aba’y Mang Peping, kung wala kang magandang plano at makabagong sistema sa inyong pamamalakad sa POC, aba’y tama na, baba na! Inugat na kayo’t lahat, wala pa rin?!

Baka dapat na kayong magpahinga at bigyan ng pagkakataon ang iba na may konkretong konsepto sa pagpapalago ng isports ng bansa. Ganoon din naman ang National Sports Association (NSA) leaders or NSA Presidents.

Sus uugod-ugod na’y ayaw pa rin bitawan ang asosasyon! Lolo/Lola hindi habang panahon kayo riyan! Ihabilin na po ninyo sa mga nakababata ang mangangalaga sa mga atleta, upang mabigyan ng tama/wasto at makabagong kaalaman ang mga atletang Pinoy at masubaybayan nang tama.

Mahirap mang tanggapin, ngunit may mga umuusbong na mas magagaling na sa inyo! Alalahanin ninyo ang Filipinas, huwag ang pansariling interes.

Ayon kay Ramirez, hindi bibigyan ng PSC ng financial-support ang NSAs na walang konkretong “Sports Program,” lalong-lalo ang mga nabokya sa SEAG. “They have to show us the proof they have effective, viable, comprehensive and long sustainable sports programs before PSC give them money. We first know if they have worthy sports programs,” paliwanag ni Ramirez.

Sus matagal na ‘yang “sports program” na ‘yan, na very basic sa sports associations. Ang dapat ay sports leaders na may sistematikong pamamaraan kung paano mapapangalagaan ang kani-kanilang mga atleta! Patalsikin na ang mga walang silbi at walang maiaambag sa isports upang magbigay-daan sa karapatdapat na sport leaders ng bansa.

PULIS
SA LAWTON
INUTIL

PALALA nang palala, mga ‘igan, ang sitwasyon ngayon sa Lawton, partikular sa Liwasang Bonifacio o Plaza Lawton na dinumog na ng mga bus, jeep at UV Express Service at walang takot na magtayo ng illegal terminal.

Ayon sa aking pipit-na-malupit, nasa pangangalaga ang mga nasabing illegal terminal sa Lawton sa ilang tiwaling pulis ng Maynila. Sadya nga bang inutil ang precinct commander sa Lawton? Ano’t hindi matuldukan ang katarantaduhan sa Plaza Lawton?

Nawa’y mabigyang pansin ang mga tiwaling-pulis na nangangalaga sa illegal terminal sa Lawton.

Matagal nang problema ang “super-traffic” sa Lawton mga ‘igan, likha ng kaliwa’t kanang parada ng mga bus na dapat ay may sari-sarili itong terminal.

Idagdag mo pa ang illegal-terminal ng jeep sa harap pa man din ng Manila City Hall. Aba’y bulag ba ang ating pulis sa mga ganitong sitwasyon? Ano’t nakatayo pa kayo sa harapan ng mga illegal terminal na ito?

Anong meron…

E-mail Add: ba2ba2_balani@yahoo.com

Mobile Number: 09055159740

BATO-BATO BALANI
ni Johnny Balani

COMMENTS
Johnny Balani

Share
Published by
Johnny Balani

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

21 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

21 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

21 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

21 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

22 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

22 hours ago