Categories: Opinion

GOCC official bakit winawasak ang PDP Laban?

DAPAT magdalawang-isip si Pangulong Rodrigo Duterte sa pagtatalaga sa isang opisyal ng PDP Laban mula sa Mindanao na isinusuka ng mga kapartido lalo sa National Capital Region sa kung ano-anong kabulastugan.

Ipinagmamalaki ng opisyal na bansagan nating “Aladin” ang pagiging kaututang-dila ni House Speaker Pantaleon Alvarez na napaniwala niya nang siraan ang isang kapartido na naunang na-bigyan ng puwesto sa gobyerno. Matagal hinuthutan ni Aladin nang milyon-milyong piso at hiniraman pa ng sasakyan na halos hindi na umandar nang ibalik niya kaya napakatapang ng apog nang siraan kay Alvarez.

Una niyang itsinismis ang opisyal ng PDP Laban na tumanggap ng P1 milyon sa Manila Hotel mula sa Pakistani na kilala lamang sa alyas “Sadik” para maipasok sa gobyerno ang kaibigan nito. Kilala sa integridad ang opisyal kaya galit na galit siya sa paninira sa kanya ni Aladin. May isa pang komisyoner ang inambahang susuntukin si Aladin sa mga kabulastugan nito nang makasalubong sa isang gusali sa Makati City.

Unang naging paksa ng mga blind item itong si Aladin nang hindi mai-liquidate ang mahigit P90 milyong campaign fund na sinabi niyang ginamit sa kampanya noong 2016 elections. Ipinangalandakan niya halimbawa na nagbigay siya ng P700,000.00 para sa mga watcher ng Maynila pero mariing pinabulaanan ito ng babaeng opisyal ng PDP Laban sa nasabing lungsod. Nagalit sa puntong ito si Senate President Aquilino Pimentel III dahil hawak na pala ni Aladin ang campaign budget pero inilihim sa kanya at hanggang ngayon, hindi mai-liquidate ng super corrupt na opisyal ng isang government owned and controlled corporation (GOCC) ang pondo.

Ang masama, napaniwala rin ni Aladin si Alvarez sa tinahi-tahi niyang kasinungalingan para siraan ang isang opisyal ng PDP Laban na napakalaki ng sakripisyo sa partido. At ginamit niya ang pangalan ng anak ni Pangulong Rodrigo Duterte na si Paolo o alyas “Pulong” para sa kanyang smuggling activities sa Bureau of Customs (BOC). May nagkuwento nga na bukod sa bigas, baka nagpuslit din ng ilegal na droga sa ating bansa itong si Aladin.

Marahil, may “alas” si Aladin kina Sen. Koko at Alvarez kaya hinahayaan sa nakahihiya nitong gawain. Madalas din siyang magtambay ngayon sa Kongreso dahil kinuhang consultant ng isang congressman na orihinal na taga-Liberal Party pero tinulungan niya para makatalon at maging opisyal sa PDP Laban Quezon City Chapter.

Kalat na kalat na ang gawain ni Aladin ma-ging sa kanyang mga kababayan sa Mindanao kaya nagbanta ang mga kabataang miyembro ng Moro Islamic Liberation Front (MILF) na gagawa ng aksiyon para matigil na ang kanyang pagsira sa PDP Laban.

Tumindi ang kanilang galit nang mabatid na noong halalang 2016 ay ‘lihim’ palang sinuportahan ni Aladin ang kandidatura ni dating Vice President Jejemor Binay pero sinunog ang campaign fund na ipinadala sa kanya ng nanalong si Duterte.

Tsk tsk tsk.

ABOT-SIPAT
Ariel Dim Borlongan

COMMENTS
Ariel Dim Borlongan

Share
Published by
Ariel Dim Borlongan

Recent Posts

Wala sa poder namin ang magpatigil dahil lang sa ‘di magandang pagsasalarawan sa mga pulis — MTRCB Chair Arenas

IGINIIT kahapon ni Movie and Television Review and Classification Board (MTRCB) Chair Rachel Arenas na wala sa poder nila ang…

12 hours ago

Gina, tiwala kay Coco na makakayanan ang kinakaharap na isyu ng Ang Probinsyano

MAINIT na pinag-uusapan ang aksiyong-seryeng FPJ’s Ang Probinsyano dahil hindi nagustuhan ng Philippine National Police Director General Oscar Albayalde ang…

12 hours ago

Hintayan ng Langit, binili ng Globe Studios

Isa kami sa natuwa nang bilhin ng Globe Studios ang pelikulang Hintayan ng Langit na mapapanood na sa Miyerkoles, Nobyembre…

12 hours ago

Ronnie Liang, matatag pa rin sa loob ng 12 taon (Excited na sa collaboration nila ni Sarah)

HALIMAW kung ilarawan ni Ronnie Liang si Sarah Geronimo. Isa si Ronnie sa madalas kasama ni Sarah sa mga concert…

12 hours ago

Hintayan ng Langit nina Eddie at Gina, mapapanood na nationwide

NAGING usap-usapan at trending sa social media ang kakaibang konsepto ng Hintayan ng Langit na pinagbibidahan nina Eddie Garcia at…

12 hours ago

Fall for Fashion, fashion show for a cause

INAANYAYAHAN ng Young Moda Fashion Collezione ang publiko sa gagawin nilang fashion show for a cause. Ito ay ang Fall…

12 hours ago