Categories: Opinion

Ebidensiya sa DAP isinumite sa DOJ

NANAWAGAN ang grupo ni dating Manila Councilor Greco Belgica sa Department of Justice (DOJ) na imbestigahan ang maanomalyang proyekto na pinondohan sa ilalim ng Development Acceleration Program (DAP).

Nagsumite ng mga ebidensiya si Belgica na nagamit sa nakaraang administrasyon ang ilang programa na pinondohan ng DAP na nauna nang naideklarang ilegal at unconstitutional ng Korte Suprema.

Pinaiimbestigahan din ng grupo sa DOJ si Senator Antonio Trillanes IV sa katulad na kaso.

Ang DAP ay pinaniniwalaang ginamit na panuhol ng administrasyon ni dating Pang. Noynoy Aquino sa mga mambabatas kapalit ng pagboto para mapatalsik si yumaong Supreme Court (SC) chief justice Renato Corona sa puwesto noong 2012. Matatandaang inamin ni dating senador Jinggoy Estrada, anak ni ousted president at convicted plunderer Joseph “Erap Buang” Estrada, na siya at ang mga kasamahang mambabatas na bumoto para mapatalsik ang yumaong chief justice ay sinuhulan ng Malacañang kapalit ng P50 milyong pork barrel.

Pero umamin na lang si Jinggoy sa malaking kahudasan at ipinagtapat na ipinagbili ang kanyang boto laban kay CJ Corona nang siya ay naipit na sa nakamal na pork barrel at nakatakda nang sampahan ng kasong plunder o pandarambong sa salapi ng taongbayan.

(Aanhin pa nga naman ang damo kung patay na ang kabayo?)

Bilang gantimpala, P50 milyon ang napabalitang isinuhol sa mga senador na bumoto sa impeachment ni dating CJ Corona, ayon mismo kay Jinggoy.

Batay sa 2014 Commission on Audit (COA) report, P229.6 milyon ang halagang napunta at pinaghatian ng 46 mga dati at kasalukuyang mambabatas na tumaggap ng Development Assistance Program (DAP) na nakalaan sa proyektong milk feeding program, ilang araw matapos ma-impeached si dating CJ Corona ng Kamara noong December 2011.

Sa nasabing COA report, ang Department of Budget and Management (DBM) ay nagpalabas ng special allotment order at notice of cash allocations sa mga mambabatas na may petsang Dec. 22, 2011, o 10-araw pagkatapos ma-impeached si dating CJ Corona sa Kamara.

Sabi ng COA, “the project may not have fully contributed in the attainment of the DAP objective of accelerating government spending” because “from the time the funds of P167.44 million or 72.9 percent were released in September 2012, only 87 percent or P145.694 million was obligated, and out of which a total of P87.002 million or 59.7 percent was disbursed for 33 projects.”

Inirekomenda ng COA ang pagsasauli sa mga naturang pondo sa Bureau of Treasury pagkatapos maideklara ng Korte Suprema na labag sa Saligang Batas noong July 2014.

Tiyak na papalakpak ang publiko kung ang layon ni SOJ Aguirre sa panibagong imbestigasyon ay mapanagot sa kasalanan ang lahat ng may kagagawan at kakutsaba ng Malacañang laban kay yumaong CJ Corona.

Si dating CJ Corona ay biktima ng mga mali at pinagtagni-tagning paratang na nag-ugat sa desisyon ng SC pabor sa mga magsasaka ng Hacienda Luisita na pag-aari ng angkan ni PNoy.

Aywan lang natin kung makapagyayabang pa si Ombudswoman Conchita “Motu Proprio” Carpio Morales na isa sa mga tumestigo pa para idiin sa mga ‘fabricated’ o kathang-isip na paratang ang dating Punong Mahistrado ng Korte Suprema.

Harinawa ay maiwasto ang isang malaking pagkakamali na kagagawan ng mga walanghiyang nagsabwatan sa pamahalaan laban kay dating CJ Corona.

Tanging ang katotohanan lamang ang magpapalaya sa mga walang kamalay-malay na publikong naisakay sa tsubibo ni PNoy at ng mapaghiganti niyang angkan.

“LAPID FIRE” PROGRAM
SA RADIO DZRJ-810 KHZ

LAGING subaybayan ang maiinit na talakayan sa mga napapanahong isyu sa programang “Lapid Fire” sa Radio DZRJ (810 Khz/AM), 10:30 pm – 12:00 mn, Lunes hanggang Biyernes.

Anomang sumbong, puna at reaksiyon itawag sa Landline Nos. 412-0288 at sa Textline Nos. 0917-678-8910.

(Para sa anumang sumbong at reaksiyon, mag-text o tumawag sa 09174842180. Maaring ipadala ang inyong liham sa e-mail address: lapidfire_14@yahoo.com)

KALAMPAG
ni Percy Lapid

COMMENTS
Percy Lapid

Share
Published by
Percy Lapid

Recent Posts

Kabataan Kontra Droga at Terorismo inilunsad (Sa Davao City)

PINANGUNAHAN ni dating Special Assistant to the People SAP Christopher “Bong” Go ang paglulunsad ng Kabataan Kontra Droga at Terorismo…

22 hours ago

Grabeng sakit ng tiyan tanggal agad sa Krystall Herbal Oil

Dear Sis Fely Guy Ong, Minsan ako ay galing sa El Shaddai at naglilingkod bilang usherette. Sa aking pag-uwi nadatnan…

22 hours ago

Eat Bulaga paboritong show pa rin sa buong bansa, katapat na It’s Showtime consistent na talo sa NUTAM ratings

NAGPAPASALAMAT ang lahat ng hosts ng Eat Bulaga sa televiewers sa pangunguna nina Tito Sen, Bossing Vic Sotto, at Joey…

22 hours ago

Marian Rivera, 4 years nang endorser ng Nailandia Spa na mahigit 130 branches nationwide

Bale 4 years na pa lang endorser ng Nailandia si Marian Rivera at sa renewal ng kanyang contract sa Relish…

22 hours ago

Alma Concepcion, nalungkot sa sexual harassment sa Miss Earth

IPINAHAYAG ni Alma Co­ncep­cion na ikinalungkot niya ang pumutok na isyu ng sexual harassment sa tatlong Miss Earth 2018 candidates…

22 hours ago

Macoy Mendoza, excited nang magkaroon ng single

EXCITED na ang newbie singer na si Macoy Mendoza sa paglabas ng kanyang first single. Ang title nito ay Pwede Kaya at…

22 hours ago