Thursday , March 28 2024

2 senior citizen, 2 paslit patay sa sunog

PATAY ang dalawang senior citizens at dalawang paslit sa magkahiwalay na insidente ng sunog sa Zamboanga City, at sa lalawigan ng Quezon.

Sa Zamboanga City, binawian ng buhay ang mag-asawang senior citizen na kinilalang sina sina Polman Janaidi, 67, at Lakibul Musad, 70-anyos, habang tinatayang 100 pamilya ang nawalan ng tirahan sa sunog sa isang residential area, nitong Biyernes ng gabi.

Ayon kay SPO2 Pilarito Bello ng Zamboanga City fire bureau, naganap ang sunog sa isang residential area sa Kasalamatan Drive sa Brgy. Kasanyangan, na umabot sa ikaapat na alarma.

Hindi pa mabatid ng mga awtoridad ang sanhi ng nasabing sunog.

Tinatayang 50 pamilya na apektado ng sunog ang pansamantalang nananatili sa Sta. Catalina Elementary School habang ang iba ay tumuloy muna sa kanilang mga kamag-anak.

Tiniyak ng city social welfare office ang tulong sa mga nasunugan.

Samantala, sa lalawigan ng Quezon, namatay ang magkapatid na paslit nang masunog ang kanilang bahay nitong Sabado ng gabi.

Kinilala ang mga biktimang sina Joshua, 7, at Dave Platas, 5-anyos.

Ayon sa local fire bureau, natutulog sa kanilang bahay ang mga dalawang biktima nang magsimula ang sunog dakong 11:00 pm sa Brgy. Bulakin Dos, sa bayan ng Dolores.

Ayon sa mga imbestigador, ang sunog ay nagsimula sa napabayaang kandila.

Wala ang mga magulang ng magkapatid nang maganap ang insidente.

HATAW News Team

Sa Masbate
20 BAHAY
TINUPOK
NG APOY

MASBATE — Aabot sa 20 bahay ang tinupok ng apoy sa Brgy. Kinamaligan, sa siyudad bandang 9:30 am nitong Linggo.

Ayon kay Senior Fire Officer 2 Victorio Laurio, umabot sa dalawang oras ang sunog dahil nahirapan pumasok sa eskinita patungo sa sunog ang mga bombero.

Dahil gawa sa light materials ang mga nasunog na bahay kaya mabilis lumaki at kumalat ang apoy.

Ayon sa imbestigador, nagmula sa bahay ng isang Jimmy Vergara ang sunog makaraan umapoy ang mga saksakan sa bahay.

Sugatan ang misis ni Vergara ngunit agad nalapatan ng lunas.

Aabot sa 31 pamilya ang nasunugan at kasalukuyang inaasikaso ng mga lider ng barangay.

 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *