Thursday , March 28 2024

Sen. Ping Lacson: “ALL RIGHT, SIR?”

KAY Sen. Panfilo ‘Ping’ Lacson bumalandra ang kanyang ‘expose’ sa Senado ng ‘tara system’ sa Bureau of Customs (BOC).

Sa isang press conference noong Huwebes ay bumuwelta si outgoing Commissioner Nicanor Faeldon at ibinulgar ang anak ng senador na si Panfilo “Pampi” Lacson, Jr., sa technical smuggling ng imported cement sa bansa.

Base sa official documents na inilabas ni Faeldon, si Pampi at ang kompanyang Bonjourno Trading ay iniimbestigahan pala sa undervaluation ng barko-barkong imported cement na inalerto ng Customs.

Si Pampi ay executive director ng Bonjourno Trading, isang kompanya na P20,000 lamang ang rehistradong paid-up capital noong 2015.

Ang kaduda-duda at hindi kapani-paniwala ay paano nakapagnenegosyo sa multi-bilyong pisong importasyon ng barko-barkong semento ang isang kompanya na P20,000 lamang puhunan?

Ang Bonjourno Trading ay No.1 sa listahan ng ilang kompanya na inireklamo ng Cement Manufacturers Association of the Philippines (CeMAP) sa Customs.

Sa isang liham noong Aug. 4, 2016, pinaiimbestigahan ng CeMAP ang Bonjourno Trading sa umano’y undervaluing ng freight rates.

Base na rin sa official documents ng Customs, natuklasang iniisahan ni Pampi at ng kanyang kompanya ang pamahalaan sa hindi pagbabayad ng karampatang buwis.

Imbes $16 hanggang $18, sa mababang $8 lamang idinedeklara ni Pampi at ng kanyang kompanya ang presyo ng palusot sa kada supot o sako ng semento.

Ibinababa ni Pampi at ng kanyang kompanya sa kalahati ang freight cost para palusutan ang Bureau of Internal Revenue (BIR) sa value added tax (VAT).

Ang anomang uri ng pandurugas sa buwis na dapat bayaran sa pamahalaan ay pagnanakaw at papatak sa kasong economic sabotage na walang piyansa.

Mas mabigat ang mga ebidensiyang hawak ni Faeldon at ibinulgar laban sa mag-ama dahil dokumentado, kompara sa hearsay na expose ni Lacson sa listahan ng mga opisyal na pinangalanan niyang tumatanggap ng ‘Tara’ sa Customs.

Lumalabas na ‘taktikang pusit’ (Squid tactic) lang ang expose ni Sen. Lacson na ang motibo ay takpan ang nakatakdang paglabas ng expose laban sa kanya at anak na si Pampi.

‘Yan ba ang dahilan kaya umuusok sa galit si Sen. Lacson at pati ang pagtatalaga ni Pang. Digong kay Faeldon sa ibang puwesto ay pinakikialaman?

Halata kasing nagkabuhol-buhol si Sen. Lacson sa pagsagot sa mga tanong sa kanya ng media habang sinasalag ang mga dokumentadong pasabog ni Faeldon.

At bakit maraming opisyal at players sa Customs na binanggit ang pangalan sa imbestigasyon ng Kamara ang hindi napasama sa umano’y expose ni Sen. Lacson?

Sana ay maalaala ni Sen. Lacson ang kanyang hamon kay dating AFP chief of staff Angelo Reyes sa imbestigasyon ng Senado noong 2010 na inakusahang tumanggap ng pasalubong at pabaon mula sa jueteng industry.

Matatandaang ginamit ni Sen. Lacson sa yumaong heneral ang omerta (honor code) na ang mga kadete ng Philippine Military Academy (PMA) ay hindi nagsisinungaling, nadaraya at nagnanakaw. Si Reyes ay nagpakamatay noong 2011.

Ginamit rin ni Sen. Lacson sa kanyang sermon ang omerta sa PMA Alumni Homecoming noong 2014.

Kaya sana, sa susunod na pagharap ni Sen. Lacson sa salamin, ay subukin naman niyang kausapin ang sarili at maalala ang hamon sa dating heneral na nagpatiwakal noong 2011.

All right, Sir???

 

(Para sa anumang sumbong at reaksiyon, mag-text o tumawag sa 09174842180. Maaring ipadala ang inyong liham sa e-mail address: [email protected])

 

KALAMPAG – Percy Lapid

About Percy Lapid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *