Friday , March 29 2024

Lara Lisondra, hahataw na bilang recording artist ng MCA Universal

KASAMA ni Lara sa larawan, ang CEO and President ng MCA-Universal Records Phililippines na si Mr. Ricky Ilacad (left side of Lara) at Senior Label Manager/ Producer, Mr. Neil Gregorio (far left), with Llianne Margarette D. Lisondra, Dra. Juliet Diza Rivera, at manager/handler na si Ronald Abad.

HAHATAW na sa pagiging recording artist sa Filipinas si Lara Lisondra. Pumirma kamakailan sa MCA Universal ang talented na dalagitang binansagang Riyadh Teenstar. Nakagawa na kasi ng album si Lara sa Saudi Arabia na pinamagatang Simply Lara, kaya nabansagan nang ganito.

Si Lara ay pangatlo sa apat na magkakapatid sa mga magulang na sina Wilfredo at Melva Lisondra na kapwa matagal nang OFW sa Saudi Arabia. Edad 17 years old pa lamang ay nag-Grade 10 sa Al Danah International School, Riyadh, Saudi Arabia, na kanyang pinanganakan. Grade 12 na siya ngayon sa UST.

Ano ang plano sa kanya ng MCA Universal? “Bale po ilalagay po ‘yung song ko in digital format which is downloadable worldwide. Bale two songs po iyon and it will be coming from my album which will be released din po very soon. Ang two songs po na ire-release sa digital ay Mr. Seen and Kung ‘Di Ako Mahal.

“Kapag na-complete na po ‘yung songs sa album ko, ire-release din iyong hard copy nito. Sa songs ko po ngayon, I will show my vocal versatility and maturity na rin po as a singer,” pahayag ni Lara.

Paano mo ide-describe ang single mong Mr. Seen? “Iyong song po ay isang love song po na medyo may hugot din po. Pero, hindi po ‘yung typical na hugot. About crush lang po na hindi ka pinapansin,” tugon ni Lara. “Yes po, makare-relate ang maraming millenials sa song na ito,” saad niya nang usisain namin.

Sinabi rin ni Lara ang wish niyang mangyari sa kanyang career. “Well, ang wish ko lang naman po sa showbiz career ko, lalong-lalo na po sa pagiging isang recording artist is to be successful po. Na sana po magkaroon po ako ng maraming projects soon and many opportunities will come pa po sana.”

Isa si Lara sa guest sa birthday show ni katotong Roldan Castro sa Zirkoh Morato na pinamagatang Muiscali3 (M2M2M) with Michael Pangilinan, Marion Aunor, at Marlo Mortel na gaganapin sa August 30, 9pm. Tampok din sina Marc Cubales, Natsumi Saito, Ryan Tamondong, Kiel Alo, Klinton Start, Hot Girls, Pretty Girls, Tuod at Alwina, Daryl Christian Madrid Reynes, Yna Uy, Maricar Aragon, J-Nissi Elisha, Patrick Alvarez, Lemuel Santos at ang LS Band.

Ano ang kakantahin mo sa Zirkoh? “Ang kakantahin ko po sa Zirkoh ay mostly Pop songs. Mga ala-Ariana Grande po,” masayang saad ni Lara.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *