Sunday , November 18 2018
Breaking News
You are here: Home / Opinion / Bloggers

Bloggers

KAMAKAILAN ay binigyan ng Social Media Practitioner Accreditation ng Malacañang ang mga social media bloggers para opisyal na makapag-cover ng mga malalaking kaganapan sa palasyo, lalo na ‘yung may kaugnayan kay Pangulong Rodrigo Duterte.

Walang problema ang Usaping Bayan sa ginagawang pagpapahayag ng mga bloggers sa kanilang mga saloobin o paniniwala kahit ito ay hindi katanggap-tanggap basta inililinaw sa mga manonood, tagapakinig o mambabasa na sila ay bloggers at hindi propesyonal na mamamahayag.

Ang katatayuan ng mga mamamahayag bilang bahagi ng Fourth Estate o Press ay malinaw at protektado ng batas (Article III, Section 4 ng 1987 Constitution). Ang mga social bloggers ay may sariling kategorya at hindi miyembro ng Fourth Estate, kaya hindi sila maaaring ihanay sa mga propesyonal na mamamahayag katulad ng gustong mangyari ng kasalukuyang administrasyon.

Kung tutuusin, may palagay ang Usaping Bayan na maaaring ituring na abridgment of the freedom of the press ang ginagawang pagbibigay ng accreditation ng Malacañang sa mga blogger. Siguro dapat pag-usapan sa korte ito para tayo makatiyak kung wasto o hindi ang aksiyon ng palasyo.

READ MORE:  QCPD ID sa ‘Banaue Boys’ nasasamantala?

Malaki ang pagkakaiba ng propesyonal na mamamahayag sa isang blogger.

Una, ang mga istorya ng mga mamamahayag ay dumaraan sa mga editor upang masuri at mapino ang detalye. ‘Ika nga may vetting process para sigurado na accurate o tama ang ibabalita. Walang ganitong proseso ang mga blogger.

Pangalawa, ang istorya ng mga mamamahayag ay hindi kanila dahil nga dumaraan sa vetting process at isinulat sa punto de vista ng pagbabalita. Samantala para sa mga bloggers, kanila ang kanilang blog kaya hindi maaring pakialaman ng sino man bukod pa sa ipinoste nila ito sa internet mula sa punto de vista ng pagkokomento at ayon lamang sa kanilang pansariling kaalaman.

Pangatlo, dumaraan sa mahabang pagsasanay ang mga mamamahayag kung paano maging accurate sa pagbabalita at tumpak na mag-cover ng isang beat o kaganapan. Mahalaga ang accuracy sa mga mamamahayag kaya karamihan sa amin ay pinapanday muna sa police beat nang matagal na panahon bago pakawalan sa iba pang national beats. Walang ganitong training, lalo na ‘yung tungkol sa kahalagahan ng accuracy at decorum sa coverage, ang mga blogger.

READ MORE:  Abolisyon ng airport terminal fee sa OFWs isinusulong na ni MIAA GM Ed Monreal

Pang-apat, hindi sapat ang talento sa pagsusulat upang maging isang mamamahayag. Kailangan ang mahabang pagsasanay para makalikom ng karanasan at kakayahan na kumilatis ng peke (koryente) o totoong balita.

Panglima, hayaan ninyo ang Usaping Bayan na ibahagi ang isang akda na lumabas sa Beyond Deadlines bilang pang wakas:

“The talent to write and a journalism degree do not make one a journalist. It is the experience of news gathering, production and source development gained through the years in the beats and, in some rare cases, by the recognition given by fellow news writers, that makes one a journalist. Professional experience is what fundamentally differentiate a journalist from a blogger.”

***

READ MORE:  Temporary storage ng BoC magiging sanhi ng korupsyon

Nagkaroon ng kasunduan ang pamahalaang Filipino at Intsik tungkol sa mga pinag-aagawang isla sa West Philippine Sea. Para sa karagdagang detalye ay pasyalan ninyo ang Beyond Deadlines sa www.beyonddeadlines.com

Sana ay makaugalian ninyo na bisitahin lagi ang website ng Beyond Deadlines at panoorin ang mga segment nito sa Pinoy Houston TV o Howdy Philippines channel ng YouTube. Salamat po.

***

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Malapit lamang sa Metro Manila at mula sa resort na ito ay tanaw ninyo ang banal na bundok Makiling.

Magpadala ng mensahe sa www.facebook.com/privatehotspringresort para sa karagdagang impormasyon o reserbasyon ng lugar. Salamat po.

USAPING BAYAN – ni Rev. Nelson Flores, Ll.B., MSCK

COMMENTS

About Nelson Forte Flores

Scroll To Top
 

Copyright hatawtabloid.com | All Rights Reserved