Friday , March 29 2024
Coco Martin Dingdong Dantes
Coco Martin Dingdong Dantes

Coco, tinambakan agad sa ratings si Dingdong

KAKAERE palang ng 2nd season noong Lunes ng Alyas Robinhood ni Dingdong Dantes, pinakain na kaagad ng alikabok ng FPJ’s Ang Probinsyano dahil tinambakan sa ratings game na 39.8% vs 18.9%.

Hindi pa rin nakabawi si Robinhood ng Martes sa rating na nakuha nilang 16.9% na mas bumaba pa kompara sa FPJ’s Ang Probinsyano na mas tumaas pa, 40.4%.

Kung ganito kalaki ang lamang ng programa ni Coco Martin sa Kantar Media, nakatitiyak kaming talo rin ang Robinhood kung ang AGB Nielsen pa rin ang pinagkukunan ng GMA 7.

Hindi na siguro kailangang i-memorize kung bakit mas maraming nanonood sa Ang Probinsyano ni Coco dahil unang-una, hindi ito nawala sa ere at magda-dalawang taon na ngayong Setyembre at simula noong umere ito ay hindi man lang bumaba sa 20% plus ang ratings.

Para kasing komiks na walang wakasan ang kuwento ng AP dahil aabangan mo talaga ang mga susunod na mangyayari lalo na ngayong nakita ng mga kasamahang SAF ni Cardo na kasapi siya sa mga rebelde ng Pulang Araw na tumakas noong magka-engkuwentro sila sa palengke.

Kaagad nakarating kay Lolo Delfin (Jaime Fabregas) na kasama si Cardo ng mga rebelde at naniniwala naman din ang opisyal ng mga sundalo na nagmamanman ang apo sa mga taga-Pulang Araw.

Ang pagkakamali lang ni lolo Delfin ay sinabi niya ito kina Heneral Luna este Director Hipolito (John Arcilla) na may koneksiyon sa mga Pulang Araw kasama rin ang assistant niyang si Major Catindig (Sid Lucero) at may masamang balak kay General Oligario (Angel Aquino).

Bitin ang episode noong Martes dahil ipinarating na yata ni Hipolito sa Pulang Araw sa lider na si Sen Lito Lapid.

Isa pang inaabangan ay ang kuwento naman ng pasugalang hindi mahinto-hinto sa lugar nina Ms Susan Roces, Yassi Pressman at iba pa dahil may sumusuporta, ang Kapitana ng Barangay na si Mitch Valdez.

Kaya paano mo bibitawan ang napakaraming kuwento na dapat subaybayan sa FPJ’s Ang Probinsyano?

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *