Thursday , March 28 2024

Coco, muling pinasaya ang mga mag-aaral ng Paradise Farm Elem. School

APAT na beses nang nagbabalik-balik si Coco Martin sa Paradise Farm Elementary School pero parang laging ito ang unang pagpunta roon ng actor. Paano’y laging excited ang mga mag-aaral doon na kahit Bulacan Day ay pumasok sila para makita ang minamahal nilang si Coco. Ang iba ay nakasuot pa ng Lab Ako Ni Kuya Coco T-shirt.

Abot-langit nga ang pasasalamat nila dahil madalas ilang binibisita ng Primetime King. Kaya naman agad sila natanong ng magaling na actor kung nag-aaral sila ng mabuti.

Magiliw namang sumagal ang mag-aaral at sabay-sabay na sinabing, ”opo.”

Tinanong din ng actor kung nagdarasal lagi ang mga ito at muling sumagot ang mga ito ng ‘opo’.

Ani Coco, kaya siya naroon sa kanilang eskuwelahan ay para magpasalamat sa mga magulang nila na walang sawang gumagabay sa kanila gayundin sa mga gurong nag-aalaga at nagmamahal sa kanila.

“Kaya sana hangad ko ay makatulong ako sa inyo kahit paano para magkaroon kayo ng magandang kinabukasan. At maraming, maraming, maraming salamat sa pagmamahal niyo sa akin dahil sobrang mahal na mahal ko kayo. I love you,” anang actor na sinagot naman ng mga bata ng, ”I love you too.”

Pagkaraan ng magandang mensahe ni Coco, nagkaroon ang Hari ng Pelikula ng photo-op kasama ang mga estudyante, guro, at mga magulang. Sinundan ito ng gift-giving ng mga school supplies na mismong inabot sa kanila ni Coco sa tulong ng mga staff ng Dreamscape Entertainment at Lingkod Kapamilya.

At siyempre, umuwi ring buso ang lahat ng bata.

Bukod dito, pinuntahan din ni Coco ang bagong library ng Paradise Farm na tinulungan niyang gawin. Ayon sa isang guro na si Ms. Joy Lucas, muntik nang hindi matuloy ang pagpapagawa ng library pero dahil kay Coco, natuloy ang pagpapagawa niyon na napakalaki ng naitulong sa mga mag-aaral.

Basta isa lang ang paalala ni Coco sa mga bata, ”Basta importante, mag-aral kayo ng mabuti dahil kayo ang aasahan ng inyong pamilya. Kayo ang tutulong sa ating bansa para makabangon muli.”

SHOWBIZ KONEK – Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *