Wednesday , February 21 2018
Breaking News
You are here: Home / News / 7 anyos bata nahulog sa manhole nalunod
7 anyos bata nahulog sa manhole nalunod

7 anyos bata nahulog sa manhole nalunod

NATAGPUAN sa ilog sa Valenzuela City kamakalawa ng hapon, ang wala nang buhay 7-anyos batang lalaking na napaulat na nawawala makaraan mahulog sa bukas na manhole habang naliligo at naglalaro sa ulan sa Caloocan City nitong Linggo.

Ang biktimang si Ryan Benedict Morata, residente sa 149 Atis St., Brgy. 142, Zone 13, Bagong Barrio, Caloocan City, ay natagpuang palutang-lutang sa Tullahan River sa Brgy. Marulas, Valenzuela dakong 4:00 pm.

Ang biktima ay positibong kinilala ng kanyang ama na si Rommel, Sr.

Ayon kina Valenzuela Police Women and Children’s Protection Desk (WCPD) SPO1 Richell Siñel at PO1 Mary Ann Ayco, ang biktima ay napaulat na nawawala simula noong Linggo makaraan magpaalam sa ama na maglalaro at maliligo sa ulan kasama ang kanyang kuya na si Rommel, Jr., sa labas ng kanilang bahay dakong 6:00 pm.

Habang naglalaro, nahulog ang biktima sa nakabukas na manhole at tinangay ng malakas na agos ng tubig.

Mabilis na nagsagawa ng search at rescue operation ang mga awtoridad, katuwang ang mga tauhan ng Malabon Rescue Unit, ngunit bigo silang matagpuan ang biktima hanggang makita ang bangkay ng bata sa Tullahan river.

(ROMMEL SALES)

COMMENTS

About Rommel Sales

Scroll To Top
 

Copyright © 2009 - 2017 hatawtabloid.com | All Rights Reserved