Tuesday , October 16 2018
Breaking News
You are here: Home / Opinion / Kabataan pag-asa ng bayan
Kabataan pag-asa ng bayan

Kabataan pag-asa ng bayan

 

SA WAKAS, isang ganap na batas na ang libreng tuition sa state universities at mga kolehiyo. Ito ay matapos lagdaan ni Pangulong Rodrigo “Digong” Duterte ang Universal Access to Quality Tertiary Education at hindi pakinggan ang suhestiyon ng kanyang Budget secretary na si Benjamin Diokno na i-veto ito dahil sa pangambang walang ipangtutustos ang pamahalaan sa programa.

READ MORE:    ‘Tuwid na Landas’ isinubo ni PNoy sa 2015 PMA Class

Tiwala ang pangulo na dapat talagang mag-invest ang gobyerno sa edukasyon ng mga kabataan dahil sila ang susunod na mga lider na huhubog ng kinabukasan ng bansa.

Salamat dahil malaki ang pagpapahalaga ng pangulo sa edukasyon ng ating mga kabataan, lalo sa mahihirap ngunit ganoon na lang ang paghahangad na makatapos ng pag-aaral at gumanda ang kinabukasan.

READ MORE:  Galante pala si PAGCOR Chair Didi Domingo

Ang problema na lang ngayon ay kung sino ba talaga ang dapat makinabang sa programang ito. Naniniwala tayo na dapat pagtuunan talaga ng pansin dito ay mga kabataan, na sa kabila ng kahirapan ay may angking kakayanan at talino na tapusin ang piniling kurso.

Kaya nga, isang malaking hamon ito sa mga magulang at estudyante na mabibiyaan ng libreng tuition. Isang malaking sakripisyo ito at obligasyon na tugunan ang requirement na mapanatili ang magandang grado at matapos ang kanilang kurso at maging isang responsable, kapaki-pakinabang at karapat-dapat na mamamayan ng bansa.

READ MORE:  EVM Self-Sustainable Resettlement Community serbisyong tunay ng Iglesia ni Cristo

At sa pagkakataong ito, ang mailap na kasabihang “ang kabataan ay pag-asa ng bayan,” ngayon ay maaaring maging makatotohanan.

 

COMMENTS

About hataw tabloid

Scroll To Top
 

Copyright hatawtabloid.com | All Rights Reserved