Friday , March 29 2024

Ara Mina, bilib sa newcomer na Kevin Poblacion

ISA si Ara Mina sa bida sa pelikulang Adik ng BJP Film Production mula sa pamamahala ni Direk Neal Tan. Tampok din dito si Kevin Poblacion na gumaganap bilang isang teenager na nalulong sa droga at na-involve sa mga krimen.

Sa pelikula, si Ara ay gumaganap bilang tiyahin ni Kevin na isang binatilyong laking Canada na nagbalik sa kinalakihang lugar. Kabilang din sa casts nito sina Rosanna Roces, Liz Alindogan, Gino Ilustre, Miggy Campbell, Michelle Thomas, Eagle Riggs, Jet Alcantara, at iba pa. Showing ang indie movie na Adik sa October 2017 through Cine Lokal.

“Dito ay tiyahin lang ako hindi mother role. So, pahinga muna ako sa mother role,” nakangiting panimula ni Ara. “Ngayon, mas gusto ko na pinipili na rin ang mga project na tatangapin ko,” dagdag niya.

Nang usisain ang aktres kung ano ang masasabi sa newcomer na si Kevin, sinabi ni Ara na bilib siya rito.

Saad niya, “Actually na–shock ako sa kanya, kasi nagulat ako na nakaka-acting siya, natural siya. Hindi na kailangan i-motivate ni Kevin nang todo. Iyong iba kasi, lalo na kung baguhan, talagang tinutulungna natin na ma-motivate, pero si Kevin, parang hindi na yata kailangan. So, talagang nag-jive naman ang acting namin together.”

Sa naturang presscon din napaiyak si Ara, nang usisain kasi na sakaling may kakilalang adik o lulong sa drugs, ano ang gagawin niya rito. Bago nakasagot ay napaiyak na ang aktres at nang mahimasmasan, nabanggit niyang isang mahal sa buhay ang nalulong sa droga at ngayo’y tatlong taon nang nasa rehabilitation center.

“Yeah, someone very close to me and ako ho ang gumawa ng way para ma-rehab siya. All in all, lumabas na rin siya, nag-relapse kaya ibinalik ulit. Bale three years na siya roon, pero I want to protect his privacy. Kasi recently lang namin siya dinalaw ulit, kasi hindi kami ina-allow na magpakita,” esplika niya.

Dito inamin din ni Ara na galit siya sa mga pusher. “So, naiyak ako kasi ano… kaya parang galit ako sa mga pusher talaga, kasi sinira nila ang pamilya ng taong ito. Kumbaga, sobrang… kasi ay may family din ito… so iyon lang, iyon lang ang maise-share ko.”Ginawa ko iyon, hindi pa presidente si Duterte. Kausap ko sa phone iyong tao na kukuha sa kanya, kaya naririnig ko ang sinasabi—-‘Ano ba! Sandali saan n’yo ako dadalhin!’ Kasi naka-blindfold siya para ‘di niya makita kung saan siya dinala. So, iyon lang po, kaya sana talagang maubos na ang mga pusher.”

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *