Friday , March 29 2024

FPJ’s Ang Probinsyano, 100 linggo nang numero uno sa telebisyon

TUWANG-TUWA ang lahat ng bumubuo ng FPJ’s Ang Probinsyano dahil hanggang ngayoý hindi pa rin sila binibitiwan ng televiewers. Tulad kagabi, nakakuha ito ng 40.6 percent ratings nationwide samantalang 42.8 percent naman sa rural base sa Kantar Media.

Nasa ika-100 na lingo na ang FPJAP pero patuloy na nangunguna ang action-seryeng ito na pinagbibidahan ni Coco Martin. Kaya naman isang enggrandeng pasasalamat ang handog ng nangungunang teleserye na nagpapakita ng kabayanihan at katatagan na sumasalamin sa pamilyang Filipino gabi-gabi.

“Masaya ako dahil kahit umabot na kami ng 100 na linggo, hindi pa rin nawawala ang suporta ng mga tao. Dahil sa kanila kaya namin pinagbubuti ang aming trabaho,” ani Coco. “Hindi kami magsasawang maghandog ng mga bagong eksena na siguradong kapupulutan ng aral ng lahat.”

At bilang parte ng kanilang pasasalamat, mas maraming pasabog pa ang sasalubong sa mga manonood dahil may mga bagong karakter na muling makikilala sa mga panibagong hamong haharapin ni Cardo (Coco) bilang parte ng Special Action Force (SAF).

Mula noong Setyembre 2015, hindi na natinag sa pangunguna sa national TV ratings ang FPJ’s Ang Probinsyano na nagtala ng all-time high national TV rating na 46.7%, ayon sa datos ng Kantar Media. Sa halos dalawang taong pamamayagpag nito, maraming palabas na rin ang sumubok tumapat sa serye pero nanatili pa rin dito ang mainit na pagmamahal ng Kapamilya viewers.

Naging daan din ang action-seryeng ito para muling mapanood ang ilang sikat na action stars gaya nina Lito Lapid, John Regala, Jess Lapid, Victor Neri, at Efren Reyes, Jr. at muling ipakita ang kanilang galing sa telebisyon.

Bukod naman sa telebisyon, umabot na rin ang aksiyon ng palabas hanggang sa digital world dahil kasalukuyan nang nalalaro ang FPJ’s Ang Probinsyano game app na mayroon nang halos isang milyong downloads.

Tuloy-tuloy din ang paghahandog nito ng tulong sa mga nangagailangan sa ginanap na Saludo sa Sundalong Pilipino ng ABS-CBN noong Huwebes (Aug 3), na naghandog ng kasiyahan at tulong ang cast ng programa sa mga sundalong lumaban sa giyera sa Marawi.

Maliban naman sa aksiyon, lubos ding hinangaan ang palabas sa pagpapamalas nito ng kahalagahan ng pagmamahal sa pamilya at kabayanihan. Naging daan din ang Ligtas Tips, ang infomercial ng palabas, na ngayon ay mabibili na rin bilang libro, sa pagsisiwalat ng iba’t ibang modus at krimen gaya ng budol-budol, child trafficking, at carnapping.

Umani na rin ang palabas ng papuri mula sa House of the Representatives at ilang opisyal ng gobyerno gaya nina Philippine National Police chief Ronald “Bato” Dela Rosa at Department of Interior and Local Government secretary Mike Sueno sa pagiging parte nito ng pagpapalaganap ng kaalaman upang mas maging ligtas ang mga tao mula sa mga krimen.

Dahil nga sa kuwento nitong sumasalamin sa pamilyang Filipino, ilang award-giving bodies na rin ang nagbigay parangal sa programa gaya ng Catholic Mass Media Awards, KBP Golden Dove Awards, at Box Office Entertainment Awards, na nakakuha ang serye ng walong parangal, kauna-unahan sa kasaysayan ng awards show.

Sa kabuuan, mayroon ng 79 pagkilala ang FPJ’s Ang Probinsyano.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *