Friday , February 23 2018
Breaking News
You are here: Home / Showbiz / Sarah, sa Europe gustong makasal kay Richard
Sarah, sa Europe gustong makasal kay Richard

Sarah, sa Europe gustong makasal kay Richard

GUSTO ng magpakagat (magpatali) ng habambuhay ni Richard Gutierrez sa ina ng anak niyang si Sarah Lahbati.

Tinapos na ng La Luna Sangre actor ang pagiging binata niya dahil nag-propose na siya ng kasal sa aktres kamakailan.

Nag-post si Sarah ng litratong nakaluhod sa harapan niya si Richard at may iniaabot na singsing na puro snow ang paligid na kuha sa Switzerland.

Caption ni Sarah, ”The stars aligned in the universe and this happened. I’m marrying my best friend.”

Si Richard naman ay nag-post din sa kanyang IG account ng litratong karga niya si Sarah habang ipinakikita ang engagement ring.

Caption ng aktor, ”I love you and I can’t wait to start this new chapter of our lives together.”

Memorable sa magulang ni Zion ang bansang Switzerland dahil dito nagtago noon si Sarah habang ipinagbubuntis niya ang anak at dito na rin nanganak.

Hindi pa nagbigay ng detalye sina Richard at Sarah kung kailan ang kasal, pero ang gusto ng aktres ay sa Europe ang venue at ang honeymoon nila ay sa Cocos Island National Park sa Costa Rica, Central America.

Speaking of La Luna Sangre ay patuloy pa ring hinahanap ni Sandrino (Richard) si Malia (Kathryn Bernardo) dahil nga nagbago ng anyo ang dalaga kaya hirap ang pinuno ng bampira kung saan at paano ito matatagpuan.

Ang problema, tauhan na nina Sandrino ang boyfriend ni Luningning (Kristel Fulgar) na si Nognog (Francis Magundayao) kaya sinundan ni Malia (Kathryn) ang binata noong makita niya ito sa opisinang pinaglalakuan niya ng pagkain na umere noong Lunes ng gabi sa La Luna Sangre.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved