Monday , October 15 2018
Breaking News
You are here: Home / News / P50K pekeng gamot kompiskado sa 6 Chinese drug stores (Saleslady arestado)

P50K pekeng gamot kompiskado sa 6 Chinese drug stores (Saleslady arestado)

UMABOT sa P50,000 halaga ng mga pekeng gamot at health products ang kinompiska ng pinagsanib na puwersa ng Food and Drug Administration (FDA), Manila Police District (MPD), at Criminal Investigation and Detection Group (CIDG) sa anim Chinese drug stores sa Sta. Cruz, at Binondo, Maynila. (BRIAN GEM BILASANO)

KINOMPISKA ng mga awtoridad ang tinatayang P50,000 halaga ng mga pekeng gamot at health products sa pagsalakay ng pinagsanib puwersa ng Food and Drug Administration (FDA), Manila Police District (MPD), at Cri-minal Investigation and Detection Group (CIDG) sa iba’t ibang Chinese drug store sa Sta. Cruz, at Binondo, Maynila kamakalawa.

READ MORE:  Krista Miller 2 FHM model, 4 pa tiklo sa drug bust (Celebrity clients sa droga ikinanta)

Armado ng seizure order, dakong 11:00 am, pinangunahan ng FDA Regulatory Enforcement Unit (REU) sa pamumuno ni OIC ret. General Allen Bantolo, ang pagsalakay sa target na mga drug store sa nabanggit na lugar.

READ MORE:  P6-M cocaine kompiskado sa Mexicano (Sa Makati City )

Ayon kay Bantolo, positibong hindi rehistrado at ipinagbaba-wal ang health products ng C.Y.R. Gift Shop Store sa 511 Bustos St., Sta. Cruz.

Napag-alaman, inaresto ng mga awtoridad ang saleslady ng nasabing drug store na si Gina Ventura makaraan makabili ng pekeng gamot ang isang miyembro ng raiding team na nagsilbing poseur-buyer.

Kabilang din sa sinalakay ng mga awtoridad ang limang iba pang Chinese drug stores na ki-nabibilangan ng Central Chinese Drug Store sa 1057 Ongpin St., Sta. Cruz; Hung Tai Yang Chinese Drug Store sa Ongpin St., Binondo; Ton Ren Tang Medication Inc., sa 800 D. Sabino Padilla St., Binondo; Suy Chong Chinese Drug Store sa T. Alonzo St., Sta. Cruz, at Suy Hong Chinese Drug Store sa 688 T. Alonzo St., Sta. Cruz, pawang ng naturang lungsod.

READ MORE:  Sanggol ni Rosal pumanaw

Nabatid mula kay Bantolo, pinaiigting ng FDA ang laban kontra ilegal at ‘di rehistradong mga gamot at health products na ibinibenta sa mer-kado dahil sa masamang epekto nito sa kalusugan ng tao. (BRIAN GEM BILASANO)

COMMENTS

About Brian Bilasano

Scroll To Top
 

Copyright hatawtabloid.com | All Rights Reserved