Thursday , March 28 2024

Curry nagpasaring kay James (Kasama ang dating karibal na si Irving)


PATULOY ang aksiyon gayondin ang drama sa NBA kahit nasa pahinga ang lahat ng koponan at mga manlalaro sa offseason.

At pinakabago sa mga sahog ng umiinit na kuwento sa NBA ang paggaya ni Stephen Curry sa isang video workout ni LeBron James kamakalawa sa kasal ng dati niyang kakampi sa Golden State na si Harrison Barnes.

Normal ang banatan sa pagitan ng magkaribal na tulad ni Curry at James dahil nagtapat na sila sa huling 3 NBA Finals at gayondin sa parangal na MVP sa NBA.

Ngunit ang kabigla-bigla sa naturang video na kaagad pinag-usapan sa social media ang pagsama ng karibal ni Curry at kasangga ni James na si Kyrie Irving na naaktohang humahalakhak sa video.

Pagkatapos mismo ng 2016-2017 NBA Finals noong nakaraang buwan kung kailan tinalo nina Curry, Kevin Durant at Golden State Warriors sina James, Irving at Cleveland Cavaliers, nagposte agad si James ng instagram video sa loob ng gym upang ipakitang handa na siyang rumesbak para sa susunod na season.

Sa saliw ng kantang ‘First Day Out’ ni Tee Grizzly, isinayaw ni James ang awit at ito mismo ang ginawa ni Curry nang tumugtog sa kasal ni Barnes.

At nito nga lang nakaraang linggo, pumutok ang balitang gusto nang magpa-trade ni Irving mula sa Cleveland dahil ayaw nang makasama si James. Nais umanong maging numero unong manlalaro ni Irving nang walang tulong ni James.

Noong nakaraang taon lang, magkasama pa si James at Irving nang sila naman ang magpasaring sa Golden State matapos talunin sa 2016 NBA Finals.

Sa sandaling ikot ng tadhana, ang samahan bilang magkasangga ay tapos na… at wala na. (JBU)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *