Wednesday , October 17 2018
Breaking News
You are here: Home / Showbiz / Coco, hinahanap sa ASAP Live in Toronto; Taong Ibon, ‘di pa rin makaporma sa FPJ’s Ang Probinsyano
Coco, hinahanap sa ASAP Live in Toronto; Taong Ibon, ‘di pa rin makaporma sa FPJ’s Ang Probinsyano

Coco, hinahanap sa ASAP Live in Toronto; Taong Ibon, ‘di pa rin makaporma sa FPJ’s Ang Probinsyano

SA ginanap na ASAP Live in Toronto, tinanong kami ng ilang kaklase naming nakapanood ng show na naka-base na rin sa Canada kung bakit wala si Coco Martin? Naroon kasi ang leading lady niya sa FPJ’s Ang Probinsyano na si Yassi Pressman.

Ikinuwento namin na baka hindi naman inalok si Coco sa ASAP Live in Toronto kaya paano siya sasama? At higit sa lahat, wala na ring oras ang aktor dahil araw-raw ang tapings niya ng Ang Probinsyano bukod pa sa shooting niya ng Ang Panday na kalahok sa 2017 Metro Manila Film Festival.

READ MORE:  Request ni Kris sa TWBA, ‘di napagbigyan

Si Coco kasi ang bida, director, at producer sa Ang Panday kaya siguro maski inalok ang aktor ay tinanggihan na niya ito.

Metikulosong direktor at producer si Coco kaya hindi niya maiiwan maski sandali ang shooting ng Ang Panday, di ba Ateng Maricris?

Sabi naman ng kaklase namin, “ay sinolo na ni Coco lahat? Hindi na niya kailangang mag-show, super yaman na ni Coco.”

READ MORE:  Pelikula ni Matteo, sinuportahan ni Bato

Sobra lang talaga ang dedikasyon ni Coco sa trabaho niya na kapag inumpisahan na ay talagang tinatapos niya.

Kamakailan ay nag-post ang aktor tungkol sa mga sundalong nagbuwis ng buhay sa Marawi City, “itinaya ang buhay para sa bansa. Saludo po ako sa lahat ng mga sundalo!”

Bale ba ang umeereng kuwento ngayon sa FPJ’s Ang Probinsyano nitong nakaraang araw ay ang pakikipagsagupaan ng SAF sa mga rebelde at dahil nagapi sina Coco ay nahulog sila sa kamay ng grupo ni Lito Lapid na hindi siya namukhaan kaya tinanong kung sino siya (Cardo Dalisay) at bakit siya may sugat.

READ MORE:  Angeline, na-challenge sa pakikipagtrabaho kay Erik sa MMK

Anyway, nangunguna pa rin ang FPJAP sa primetime sa ratings na 39.8% nationwide at hindi pa rin kayang talunin ng mga Taong Ibon na nakakuha ng 18% nationwide noong Huwebes.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved