Friday , March 29 2024

Parojinogs, 10 pa patay sa drug raid sa ‘kuta’ ni mayor

IPINANGAKO ng administrasyong Duterte na paiigtingin ang kampanya kontra illegal drugs.

Ito ang pahayag ng Palasyo kasunod ng pagkamatay ng 12 katao, kasama si Ozamis City Mayor Reynaldo “Aldong” Parojinog at misis na si Susan, nang salakayin ng pulisya ang kanilang bahay kahapon ng madaling-araw.

Inaresto sa nasabing raid si Vice Mayor Nova Princess Parojinog-Echavez, umano’y nobya ni Bilibid druglord Herbert “Ampang” Colangco.

“The Administration vowed to intensify the drug campaign. The Philippine National Police (PNP) conducted a raid in the Parojinog residence this morning which led to the arrest of Ozamiz Vice Mayor Nova Princess Parojinog-Echavez and scores of others,” ani Presidential Spokesman Ernesto Abella.

Ang mag-amang Aldong at Nova ay kasama sa isiniwalat na listahan ng narco-politicians ni Pangulong Rodrigo Duterte noong nakalipas na taon.

“The Parojinogs, if you would recall, are included in PRRD’s list of personalities involved in the illegal drug trade. Authorities will be releasing updates as soon as they become available,” ani Abella.

Batay sa inisyal na ulat, pinaputukan ng armadong kalalakihan na nasa loob ng bahay ni Parojinog ang mga pulis habang papasok sa bahay ng alkalde para isilbi ang search warrant.

Bukod sa mag-asawang Aldong at Su-san, kabilang sa mga napatay ay sina Provincial Board Member Octavio Parojinog at ilang kasapi ng Barangay Peacekeeping Action Teams (BPAT).

Naganap ang madugong insidente nang isilbi ng mga pulis ang anim search warrants sa mga bahay ng mga Parojinog.

Nakompiska sa pagsalakay ang isang shotgun, tatlong rocket propelled grenade launchers, dalawang granada, walong M79 bullets at isang M79 rifle, shabu paraphernalia, at shabu.

ni ROSE NOVENARIO


About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *