Thursday , March 28 2024
Sipat Mat Vicencio

Bello: pro-Joma anti-Digong

MAKAPILI ba itong si Labor Secretary Silvestre Bello III?

Sa halip kasing suportahan ang panawagan ni Pangulong Rodrigo “Digong” Duterte na tapusin ang pakikipag-usap sa rebeldeng komunista, lumalabas na ayaw niya itong mangyari.

Dapat ay sumusunod si Bello sa kagustuhan ni Digong at hindi kung ano ang gusto ni-yang mangyari. Bakit parang ayaw pa rin bumitaw nitong si Bello at laging ikinakatuwiran ang kanyang panghihinayang sa peace talks.

“Sayang, ang dami na nating nagawang forward movement,” pahayag ni Bello.

Anong forward movement kaya ang pinagsasabi nitong si Bello? Ang bistayin ang mga sundalong Filipino ng mga berdugong NPA?

Praning na ‘ata si Bello! Hindi ba niya naisip na sa gitna ng pakikipag-usap ng mga dogmatikong komunista sa pamahalaan, patuloy naman ang kanilang extortion activities? E, ano pang kabuluhang makipag-usap ang pamahalaan ng Filipinas, kung ganito naman kamalatuba ang mga komunistang kausap nila?

Kahit na sagot ng Royal Norwegian Embassy ang gastos ngayon, malaki na rin ang nagagastos ng pamahalaang Filipinas sa pakikipag-usap sa grupong bandido ni Jose Maria Sison. Dapat maisip ni Bello na ang kanyang ginagastos dito ay buwis ng taongbayan.

Kung talagang sinusuportahan ni Bello ang administrasyon ni Digong, dapat ay tapusin na niya ang pakikipag-usap sa mga komunista. Malinaw ang sinabi ni Digong, tapos na ang pakikipag-usap ng Filipinas sa NDF.

Hindi pa ba malinaw kay Bello ‘yun? At mismong ang mga komunista na ang gumawa ng paraan para hindi matuloy ang peace talks lalo nang tambangan nila ang convoy ng PSG sa Arakan, North Cotabato ilang araw bago maganap ang State of the Nation Address (SONA) ni Digong.

At puwede ba, tigilan ni Bello ang kung ano-anong teknikalidad na kanyang sinasabi kung paano tatapusin ang peace talks sa pagitan ng pamahalan at ng NDF. Kesyo kailangan pa raw ng written notice sa magkabilang panig batay sa joint declaration peace process. Buhong! Ang mahalaga, layasan mo si Joma.

Hindi matinong kausap si Joma, dahil bukod sa ulyanin, may tama na rin sa ulo. Paano ma-giging maayos ang peace talks kung mismong si Joma ang gumagawa ng paraan para hindi ito matuloy?

Sapat na ang sinabi ni Digong na tinatapos na niya ang pakikipag-usap sa mga komunista. Hindi pa ba ito malinaw kay Bello?

SIPAT – Mat Vicencio

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *