Saturday , June 23 2018
Breaking News
You are here: Home / News / 3 sakay patay sa naglamay na utol ng OFW (Motorsiklo sinalpok ng SUV)
3 sakay patay sa naglamay na utol ng OFW (Motorsiklo sinalpok ng SUV)

3 sakay patay sa naglamay na utol ng OFW (Motorsiklo sinalpok ng SUV)

ALBAY – Tatlo ang patay makaraang sumalpok ang sports utility vehicle (SUV) sa motorsiklo sa bayan ng Malinao, nitong Sabado ng hapon.

Agad binawian ng buhay sa insidente ang driver ng motorsiklo na si Pedro Clet, 54; gayondin ang dalawang angkas niyang sina Josely Cuentas, 43; at Jose Cantor, 52.

Ayon sa mga awtoridad, ang insidente ay naganap sa Maharlika Highway, sakop ng Brgy. Cabunturan bandang 5:00 pm nang umano’y kainin ng SUV ang linya ng motorsiklo.

Sa lakas nang pagkakasalpok, tumilapon ang mga biktima at nagkaroon nang matitinding sugat sa ulo at iba pang parte ng katawan, dahilan nang agad na kamatayan ng mga biktima.



Lumabas sa imbestigasyon na walang helmet ang dalawang angkas sa motorsiklo. Ang driver na si Clet ay isang retiradong pulis sa probinsiya ng Albay.

Samantala, lumitaw sa pagsusuri ng pulisya, na nasa impluwensiya ng alak ang driver ng SUV na kinilalang si Jimmy Borlagdan, 53.

Aminado ang driver na nakainom siya at nakatulog habang nagmamaneho.

Giit niya, ilang araw na siyang walang tulog dahil sa pagbabantay sa lamay ng kapatid na naaksidente sa Saudi.

Humihingi si Borlagdan ng paumanhin sa naulila ng mga biktima. Galing sa isang palayan sa bayan ng Malinao ang mga biktima at pauwi sa kanila sa Tiwi nang mangyari ang insidente.


COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved