Friday , June 22 2018
Breaking News
You are here: Home / Opinion / Libreng IDOLE card para sa OFWs naunsiyami?! (Biglang binawi ni Labor Sec. Bebot Bello)
Libreng IDOLE card para sa OFWs naunsiyami?! (Biglang binawi ni Labor Sec. Bebot Bello)

Libreng IDOLE card para sa OFWs naunsiyami?! (Biglang binawi ni Labor Sec. Bebot Bello)

ABA, sa sobrang bilib namin sa IDOLE (identification card for overseas Filipino workers) na ipapalit sa Overseas Employees Clearance (OEC) agad nating pinuri sa ating kolum nitong nakaraang linggo.

Natuwa kasi ang inyong lingkod dahil malaking tulong ito sa itinuturing nating “Bagong Bayani” — ang mga OFW.

Ang sabi pa nga, libreng ipamimigay ito at ipadadala pa raw sa mga OFW kung nasaang bansa sila naroroon.

Pero wala pang isang linggo, tatlong araw lang yata, biglang bigay-bawi si Labor Secretary Silvestre “Bebot” Bello ang kanyang sinabi na libre ‘yung IDOLE card.

Para tayong nakoryente nang ilang libong boltahe nang muli nating mabatid na hindi pala libre ang IDOLE!?

Wattafak!?

Naunsiyaming IDOLE!

Hindi nga raw libre, sa halip ay sisingilin daw sa recruitment o placement agency.

At sinong agency ang magbabayad nito?

Tiyak na doon din nila kukunin ang pambayad niyan sa OFW.

Esep-esep naman please!



Hindi kasi maresolba ang isyu ng kontraktuwalisasyon o ENDO kaya gustong magpabango, ‘yun pala isang malaking drawing!

Secretary Bello, that’s adding insult to injury.

Higit sa lahat, kayo ang nakaaalam kung ano ang tunay na kalagayan ng mga OFW lalo na ‘yung nasa Middle East, kaya sana naman maging seryoso kayo sa pronouncements ninyo.

Kung hindi naman kayo sigurado at mukhang you’re not the one who’s calling the shot, e huwag kayong magsalita na parang siguradong-sigurado kayo.

Nag-uulyanin ka na ba Mr. Secretary!?

Ay sus, be sensitive naman Mr. Secretary.

Kung dagdag-singil lang ‘yan sa mga OFW, e tigilan na rin ‘yang gimik mo!

Puwede ba?!

 

CONGRESSMAN
‘BOY TULOG’
SA KONGRESO

WALAND’YO, kasarap palang matulog at mukhang humihilik pa sa nakaraang deliberasyon sa martial law extension.

Hindi lang natin alam kung may tumutulo pang laway…

Hik hik hik!

Ang tinutukoy po natin, ay si LPGMA party-list Rep. Arnel Ty.

Ang kawatan ‘este kinatawan ‘umano’ ng marginalized sector na mula nang maupo sa Kamara ay lalo pang nagmahal ang presyo ng liquefied petroleum gas (LPG).

Kakaibang marginalized sector representative ka Congressman Arnel Ty?!

O sige balik tayo sa tulog ninyo Mr. Congressman.



Hindi ka man lang ba tinablan nang kaunting kahihiyan at hindi man lang sumagi sa iyong isipan na pinasusuweldo ka ng taxpayers’ money pagkatapos e tutulugan mo lang?

Aba, kung puyat ka,e ‘wag pumasok para gawing tulugan ang Kongreso!

Present ka nga, pero hindi mo nga naintindihan kung ano ang nangyari sa deliberasyon ng martial law extension at bigla ka na lang bumoto.

Yes nga ang ibinoto mo pero mukhang hindi mo naman naintindihan kung bakit.

Ilang delilberasyon kaya ang tinulugan nitong si Boy Tulog?!

Dapat sa mga ganyan hindi bigyan ng suweldo at singilin sa pagtulog!

Boy Tulog, mahiya ka hoy!

 

NASABOTAHE BA
ANG CLEAN-UP DRIVE
NI MAYOR ERAP?

Ang dami talaga naming tawa nang mapanood namin sa ABS-CBN ang huli sa aktong photo op ng tropa ni Mayor Erap Estrada kasama ang grupo ng Rizal Park Hotel (dating Army Navy Club).

Huling-huli sa akto ni Miss Jasmin Romero ng TV Patrol na itinatapon ng ilang kamote ang isang sakong basura sa Manila Bay.

Pero ang nakagugulat na kasunod nito, pinasala pa kay Mayor Erap ang basura na kunwari ay nililinis ang Manila Bay.

Nang tanungin ni Miss Romero ang mga nagtapon ng basura kung bakit nila itinapon sa Manila Bay, ang isinagot para raw sa publicity.

Wattafak!?



Kaya siguro napilitan na ganoon din ang isinagot ni Mayor Erap, for publicity purposes daw.

Sonabagan!

Ano ba ang ginagawa nitong mga sinusuweldohang PR group at tauhan ni Mayor Erap at hindi man lang nila naisip na malaking kalokohan ang ipinagagawa nila sa boss nila?!

Ipinahahamak at ipinahihiya ba ninyo talaga ang boss ninyo!?

Atty. Sol Arboladura, sinasadya ba ‘yan o incompetent talaga kayo sa nangyaring ‘yan?

Huwag na ninyong ulitin ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright © 2009 - 2017 hatawtabloid.com | All Rights Reserved