Saturday , June 23 2018
Breaking News
You are here: Home / News / 2 parak timbog sa boga (Sa Tondo bar)
2 parak timbog sa boga (Sa Tondo bar)

2 parak timbog sa boga (Sa Tondo bar)

ARESTADO ang dalawang pulis makaraan magpaputok ng baril sa isang videoke bar sa Tondo, Maynila, nitong Lunes ng madaling-araw.

Salaysay ng mga tauhan sa bar, lasing at nakasibilyan sina SPO2 Ryan Marcelo at PO2 Ramada Mupa nang dumating sa lugar.

Pagkaraan ay biglang naglabas ng baril ang dalawang pulis nang batiin sila ng dalawa pang kustomer na kanilang kakilala.

“Sabi, ‘Andito pala kayo sir.’ E di sabi, ‘Andito rin pala kayo, isang putok naman diyan.’ Bumunot na ng baril,” kuwento ng waitress na si Bea Guevarra.

Nadaplisan ng bala ang isang kustomer nang barilin ni Marcelo ang sahig.

Makaraan ito, nagkulong ang dalawang pulis sa bar. Dalawang oras silang hinimok ng Special Weapons and Tactics (SWAT) team na lumabas sa bar.

Gayonman, binulyawan ni Marcelo ang nagrespondeng mga pulis pati ang kanyang ama na sumama sa negosasyon.

Kinalaunan, ginamitan ng SWAT si Marcelo ng taser gun saka pinosasan.

Idiniretso nila sina Marcelo at Mupa sa imbestigasyon. Dinala rin sa presinto ang dalawang kustomer na bumati sa mga pulis na sina Julius Ceasar Faustink at Augustus Ben.

Inaalam pa kung “issued firearm” ang ginamit ni Marcelo sa insidente.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved