Wednesday , October 24 2018
Breaking News
You are here: Home / Opinion / Sakripisyo sa empleyado (Paglilipat ng DOTr sa Clark)
Sakripisyo sa empleyado (Paglilipat ng DOTr sa Clark)

Sakripisyo sa empleyado (Paglilipat ng DOTr sa Clark)

LAHAT daw ng panganganak lalo na kung panganay ay hindi puwedeng walang aray.

At kung ihahalintulad natin diyan ang paglilipat ng lokasyon na gagawin ng Department of Transportation (DOTr) ngayon araw ay hindi na tayo magtataka kung bakit maraming umaaray.

Puwede ring ihalintulad ito sa paglilipat ng informal settlers sa dangerous zones patungo sa malayo pero malaki at maluwag na relocation sites.

Ayaw nila, kasi raw malayo.

‘Yun nga lang, ang pinag-uusapan dito ay isang vital organ ng gobyerno – ang DOTr nga.

Alalahanin na ‘dambuhala’ ang problema ng bansa sa sistema ng ating transportasyon.

Halos araw-araw ‘yan ang idinaraing ng lahat ng sektor.

Bukod pa riyan, sa araw-araw ay marami silang inter-agencies na katransaksiyon, sa pribado at publikong sektor.

Ang kasalukuyang tanggapan ng DOTr ay nasa 17/F ng Columbia sa Ortigas Avenue, Mandaluyong City.

Ang Ortigas Avenue ay isang main thoroughfare na hindi lumuluwag ang trapiko lalo sa busy hours.

Sa puntong ito, naiintindihan natin ang paglilipat ng DOTr lalo’t ang mauuna umano ay tanggapan ng Kalihim (ni Secretary Arthur Tugade), ng kanyang undersecretaries, kasabay ang communications and legal divisions.

Isa nga pala sa layunin ng paglilipat ay “to decongest traffic in Metro Manila” raw.

Oo nga naman, baka ang DOTr mismo ang bumabara sa Ortigas Avenue?!

Hik hik hik!

Dahil mukhang final na at hindi na mababago ang desisyon ni Secretary Tugade, at ‘yung mga ganyang mga bagay naman ay ayaw patulan ng Malacañang, pag-usapan natin kung ano ang hinaing ng 438 employees na tiyak na magkakaroon ng malaking pagbabago sa kanilang buhay sa nagaganap na relokasyon ngayon lalo na sa mga pamilyado.

READ MORE:  Destabilization dapat bang patulan ni PCO Sec. Martin Andanar? (Baliw lang ang mag-iisip n’yan!)

Ang pinag-uusapan natin dito ay rank & file employees dahil ang mga opisyal ng DOTr ay mayroong provision housing sa relokasyon nila.

Sabihin na nating by phase or by batch ang gagawing paglilipat, pero sana naman isinabay na sa paghahanda kahit ‘yung pansamantalang tutuluyan ng mga empleyado na mahihirapang mag-commute everyday.



E ‘yung nasa Mandaluyong lang nga ang opisina ng DOTr marami ang gumigising nang 3:00 am or 4:00 am para makarating nang 7:00 sa DOTr, ‘yun pa kayang mapupunta sila sa Clark?!

Para namang may sariling sasakyan at driver at bawat empleyado sa DOTr.

Take note, walang accommodation, relocation allowance, walang social preparation sa empleyado kahit consultation.

Mahigpit na pasabi at memorandum lang ang nakarating sa mga empleyado.

By the way, alam kaya ni Secretary Tugade na ang relocation ay isang gender issue na dapat isaalang-alang ng employer, government o private company man ‘yan?!

Sa empleyado lang ‘yan…

E how about the transacting public?!

Sabi ng mga empleyado, ang desisyon na ito ni Secretary ay bahagi ng kanyang panaginip ‘este pangarap na “New Clark City.”

Ang phase I ng New Clark City, sa 2022 matatapos. Habang ang Philippine National Railway Manila-Clark line na magkokonekta sa Metro Manila at Clark ay target matapos sa 2020.

Masyadong loves ni Secretary Tugade ang Clark, malapit sa kanyang puso kaya hindi niya maiwan-iwan.

Heto naman ang side ng DOTr.

READ MORE:  ePayment inilunsad ng DFA

Para maresolba ang hinaing ng mga empleyado, mayroon silang shuttle bus, isa sa EDSA Shrine at isa sa TriNoma. Ang shuttle sa EDSA Shrine at aalis dakong 5:00 am at ang sa TriNoma ay 6:00 am.

Ipatutupad na rin daw ang flexi-time at four-day work a week at ang shuttle service nga mula at patungo sa Clark.

Habang ang subsidized accommodation para sa mga empleyado ay kasalukuyang pinag-uusapan.

O kaya naman, puwede raw lumipat sa attached agencies ang ibang empleyado.

Marami naman palang options…

Kapag lumipat ba sa attached agency ang isang empleyado ganoon pa rin ang benepisyo at suweldo na kanilang matatanggap?!

Sabi nga natin, nanganganay ang ahensiyang ito sa ilalim ng pamumuno ni Secretary Tugade.

Abangan natin kung maluwalhati ang panganganay na ‘yan ni Secretary Tugade.


 

ANG IKALAWANG SONA
NI PANGULONG DIGONG

Sa gitna ng mainit na kampanya laban sa ilegal na droga, pakikipag-peace talks sa iba’t ibang rebeldeng puwersa at pakikipagbaliktaktakan sa grupong dilawan kasama ang kanilang mga dayuhang financier, bumulwak ang giyera sa Marawi — tropang gobyerno laban sa teroristang Maute/ISIS group.

Umaasa ang marami na matatapos na ito sa Disyembre 2017.

At next target umano ang New People’s Army (NPA) na habang nakikipag-peace talks ang kanilang political party na Communist Party of the Philippines (CPP) at united front na National Democratic Front (NDF), sila naman ay walang habas ang pang-a-ambush, panghihingi ng revolutionary tax at iba pang uri ng sabi nga ay panggigipit na rin sa sinasabi nilang masang pinaglilingkuran.

READ MORE:  Mga salamisim 12

Iba na ‘yan!

Sinahugan pa ito ng isyu sa kalusugan ni Pangulong Rodrigo “Digong” Duterte at iba’t ibang isyu na ang layunin ay agad igupo ang wala pang isang taong administrasyon ng bagong pangulo.

Ngayong araw, haharap si Pangulong Digong sa sambayanang Filipino para sa kanyang ikalawang State of the Nation Address (SONA).

Siyempre, marami ang nag-aabang, naghihintay at nagbabantay kung ano ang kanyang sasabihin sa kanyang SONA.

At huwag na tayong magulat kung pagkatapos niyan ay walang puknat na banat ang abutin ng Pangulo mula sa grupong diskontento.

Isang bagay ang sigurado rito, hindi na natin makikita ang ‘fashion show’ sa SONA na hirating-hirating gawin ng matataas na opisyal ng gobyerno at mga mambubutas ‘este mambabatas tuwing SONA.

Kung dati ang SONA ay ‘fiesta’ ng malalaking courtier at gown designer, sorry na lang sila ngayon, ipinagbawal na ng Pangulo ang maluluhong pagdadamit ng mga opisyal ng gobyerno tuwing may SONA.

Huwag tayo umasa na positibong lahat ang iuulat ng Pangulo dahil ang unang taon ng kanyang pamumuno ay batbat ng kontrobersiya dahil sa terminong ‘pagpatay’ at talagang tumatagos na ‘p —— ina’ sa mga sinasabi niyang salot sa lipunan.

Ang abangan natin, ano ang importanteng deklarasyon ng Pangulo para sa mga susunod na taon ng kanyang pamumuno.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

 

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved