Thursday , March 28 2024

43 foreigners arestado ng anti-kidnap group (Casino high rollers dinudukot)

 

INARESTO ng mga awtoridad ang 43 dayuhan na miyembro ng loan shark syndicate at pumupuntirya ng high rollers.

Nitong Huwebes, iniharap sa media ni Philippine National Police chief, Director General Ronald “Bato” dela Rosa ang mga suspek, karamihan ay Chinese nationals, sa press conference sa Camp Crame.

Ang mga suspek, kabilang ang 41 Chinese at dalawang Malaysians, ay inaresto nitong 18 Hulyo makaraan sagipin ng PNP-Anti-Kidnapping Group ang biktimang si Wu Yan, 48, isang Singaporean national.

Ang lider ng sindikato, isa ring Chinese national, ay tinutugis ng mga awtoridad.

“At large pa, isa,” ayon kay PNP-AKG director Chief Supt. Glenn Dumlao nang itanong kung nasaan ang lider ng nasabing sindikato.

Tumangging magbi-gay ng karagdagang detalye si Dumlao, ngunit kalaunan ay ipinakita ang diagram sa media at kinilala ang lider ng sindikato na si Chen DeQin.

Sa imbestigasyon, noong 17 Hulyo, ang biktima ay naglalaro sa Solaire Resorts and Casino sa Pasay City, dalawang Malaysian nationals, kinilalang sina Ng Yu Meng at Goh Kok Keong ang kinaibigan si Wu at pagkaraan ay inimbitang maglaro sa kalapit na casino resort.

Dakong 9:45 pm sumakay sila sa taxi ngunit imbes dumiretso sa casino resort, dinala ang biktima sa isang condominum sa Parañaque City.

Ang biktima ay ikinulong at inutusang magbayad ng $180,000 kapalit ng kanyang kalayaan.

Nang sumunod na araw, isinagawa ng PNP-AKG, Bureau of Immigration, at Parañaque police ang rescue operation, nagresulta sa pagkakasagip sa biktima.

Sinabi ni Dumlao, hindi ito ang unang kaso na kanilang hinawakan. Aniya, nitong Hulyo, sinagip nila ang isang Chinese national na dinukot ng ibang grupo.

“Nag-start noong June dahil sa rampant report about kidnapping and serious illegal detention sa players sa casino. We already conducted operations and rescued victim Wang Yan, who was held by separate cell, na-rescue natin ‘yun at na-release last June 2,” aniya.

 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *