Tuesday , February 20 2018
Breaking News
You are here: Home / News / Malacañang nagpaliwanag sa Kamara (Sa Martial law extention)

Malacañang nagpaliwanag sa Kamara (Sa Martial law extention)

 

NAGBIBIGAY ng pahayag si Defense Secretary Delfin Lorenzana pagkatapos ng kanilang pulong tungkol sa pagpapalawig ng martial law sa Min-danao, sa Senado kahapon, habang palabas ang ilang opisyal ng AFP makaraan ang nasabing pagpupulong.
(MANNY MARCELO)

ISINUMITE na sa Kamara ang liham ni Pangulong Rodrigo Duterte para sa pagpapalawig ng batas militar.

Ikinatuwiran sa liham na nanatili pa rin ang rebelyon sa Mindanao base sa assessment ng Pangulo, na una nang inirekomenda sa kanya ng Armed Forces of the Philippines (AFP).

Sa nasabing liham, hindi lamang Maute terror group ang nais i-neutralize ng gobyerno kundi maging ang iba pang Maute-ASG-BIFF inspired group ay dapat tugisin.

Inamin ng gobyerno na apat barangay pa sa Marawi ang kontrolado ng mga rebelde na patuloy sa pagmamatigas.

Bukod dito, sa 279 aarestohin ay nasa 12 lamang ang nadadakip ng militar kung kaya’t napakarami pa ang dapat habulin ng gobyerno.

Base sa ulat, nanatiling at-large ang mga lider ng teroristang grupo na sina ASG leader Isnilon Hapilon, ang Maute brothers na sina Abdullah, Omarkhayam at Abdulasiz, at ang dayuhang terorista na si Mahmud Bin Ahmad.

Mayroon natanggap na impormasyon ng pag-atake sa Basilan, Cagayan de Oro, General Santos City, Zamboanga at Lanao del Norte.

Dahil dito, hiniling ng Pangulo sa Kongreso na palawigin hanggang sa pagtatapos ng taon ang martial law gayondin ang suspensiyon sa writ of habeas corpus.

(JETHRO SINOCRUZ)

COMMENTS

About Jethro Sinocruz

Scroll To Top
 

Copyright © 2009 - 2017 hatawtabloid.com | All Rights Reserved