Friday , June 22 2018
Breaking News
You are here: Home / Showbiz / Infinity Boyz, umiyak sa kanilang concert
Infinity Boyz, umiyak sa kanilang concert

Infinity Boyz, umiyak sa kanilang concert

 

EMOSYONAL ang bawat miyembro ng Infinity Boyz habang inaawit ang God Gave Me You na ini-revive at pinasikat ni Alden Richards. Tuluyan pa silang naiyak nang tawagin ang manager nilang si MK Jornacion sa stage.

Hindi nga napigilan ng buong grupo na maiyak dahil sa sobrang kasiyahan sa rami ng taong dumating sa kanilang first mini-concert at sa 100% plus na suporta ng kanilang manager na naiyak na rin sa naging mensahe sa kanya ng grupo.

Mensahe ni RJ (lider ng grupo), “Sobrang saya namin dahil nakita namin ang sobra-sobrang pagmamahal niyo sa Infinity Boyz, dumating kayong lahat.

“Nagpapasalamat din kami sa mga taong walang sawang sumusuporta sa amin, kay Nanay MK na halos ‘di na natutulog para lang suportahan at asikasuhin kami. Nay salamat sa pagmamahal.

“Salamat din kay Tito John (Janna Chcu Chu) at Kuya Tuti (James Aban) ng DZBB 594 dahil sa tiwala at suporta sa amin.

“Salamat din sa mga masisipag naming admin na laging nariyan para sa amin, mahal namin kayong lahat.”

Mensahe naman ni MK habang patuloy na umiiyak, “Salamat sa bawat ng miyembro ng Infinity Boyz dahil naniwala kayo sa akin lalaban tayo dahil alam naman natin na marami ang namba-bash sa atin.

“Salamat sa fans, admin, kay Tito John, at Kuya Tuti sa pagmamahal at sa adviser naming si Ms. Anne (Malig Dizon).”

Made na nga ang grupo kung pagbabasehan ang dami ng tao na nanood ng kanilang konsiyerto sa Starmall Edsa/Shaw.

Ang concert ng Infinity Boyz ay hatid ng Ysa Skin and Body Experts, New Placenta, RME Salon, Mogu Mogu Manila, at My Phone.

MATABIL – John Fontanilla

COMMENTS

About John Fontanilla

Scroll To Top
 

Copyright © 2009 - 2017 hatawtabloid.com | All Rights Reserved