Monday , September 24 2018
Breaking News
You are here: Home / Sports / Tatlong sunod na panalo para sa Gilas
Tatlong sunod na panalo para sa Gilas

Tatlong sunod na panalo para sa Gilas

 

RUMEKTA ang Gilas Pilipinas sa ikatlong sunod na panalo matapos idispatsa ang Japan, 100-85 sa umiinit na 39thWilliam Jones Cup kahapon sa Taipei Heping Gymnasium sa Taiwan.

Tabla sa 66 papasok ng huling kanto, rumatsada ang Gilas sa pambihirang 34-19 panapos na bomba upang iangat ang kanilang kartada sa 3-1 matapos ang katangi-tanging pagkatalo sa Canada sa unang laban.

READ MORE:  Paging Philracom

Naiwan sa 73-72 ang Gilas bago sumakay sa 14-1 atake para sa komportableng 86-74 kalamangan na pinanghawakan ng mga Pinoy hanggang sa pagtunog ng silbato.

Nanguna para sa Filipinas ang Filipino-German na si Christian Standhardinger sa kanyang halimaw na 22 puntos at 15 rebounds habang nagliyab muli sa huling kanto si Matthew Wright sa kanyang 15 puntos. Nag-ambag ng tig-11 puntos ang backcourt tandem na sina Kiefer Ravena at Jio Jalalon.

READ MORE: 

Nahirapan sa simula nang hayaang lumamang ang Japan , 42-41 papasok ng halftime, dinikdik ng Gilas sa rebounding ang kalaban, 49-35 at nagtapon ng bola sa 9 beses, taliwas sa mga unang laban nila sa dami ng turnovers.

READ MORE:  Programa sa Karera: Metro Turf

Kumayod ng 17 puntos at 17 rebounds ang Gilas na nauna nang tinalo ang parehong Team A at Team ng Chinese Taipei.

Makasasagupa ng Gilas ngayon ang Korea sa ganap na 5:00 pm. (JBU)

 

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved