Friday , March 29 2024

‘Balintuwad’ na ensignia ng pangulo palpak na trabaho sa Palasyo

PUWEDENG sabihin na maliit na detalye pero napakasimboliko ng ensignia ng Pangulo.

Kaya nga Sagisag ng Pangulo, ‘di po ba?

At sino ba ang Pangulo? O paano ba nagiging Pangulo ng isang bansa?!

Hindi ba’t inihahalal siya ng malaking bilang ng mga Filipino?

Ayaw sana natin ng sisihan, pero hindi ba’t ilang beses nang nangyayari ang ganitong kapalpakan lalo sa ating bandila na laging naipagbabaliktad ang asul at pula?!

Sa dami ng mga pinasasahod ng taongbayan na staff sa Malacañang, hindi ba puwedeng mag-assign ng tao para i-check ang mga batayang protocol nang sa gayon ay hindi ang Pangulo ang nasasalang sa kahihiyan?!

Oo maliit na bagay sa pumalpak pero ‘yang maliit na bagay na ‘yan ang dahilan kung bakit nagiging katawa-tawa ang Pangulo.

Alam naman ninyo kung gaano kalikot mag-isip ang mga upahang political operators, kapag nakasilip ng konting ‘spark’ ‘yang mga ‘yan, kaya nilang buhusan ng ‘gasolina’ para magliyab.

Ano ang gusto nating sabihin, maging maingat naman sana ang mga nakapaligid sa ating Pangulo, lalo na ngayong nahaharap sa Marawi crisis.

‘Yun man lang sinasabi nilang ‘maliliit’ na bagay ay huwag na silang sumablay.

‘Yan na nga lang ang magagawa ninyo sa ating Pangulo…sablay pa?!

Ang hirap kasi sa mga nakapaligid sa Pangulo, gusto laging ‘malaki’ kunwari ang responsibilidad pero hindi naman talaga ginagampanan ang obligasyon.

Gusto laging nakabuntot at sumipsip lang sa Pangulo.

Ano ba ang ginagawa ng mga ‘advance party’ ninyo? Hindi ba’t sila ang bumusisi ng mga bagay-bagay bago humarap ang Pangulo sa publiko?!

Aba, tumbasan ninyo ang tiwalang ipinagkaloob sa inyo ng Pangulo!


BORACAY TARGET
NG MALALAKING
SINDIKATO
SA REAL ESTATE?!

Next target na nga ba ng malalaking sindikato sa real estate ang isla ng Boracay?

Ano ang pinakamalinaw na indikasyon na kumikilos ang malalaking sindikato ng real estate sa Boracay?!

Una, atat na ata na silang mabigyan ng titulo ultimo ang mga estrukturang nasa dalampasigan mismo.

Pero ang nakapagtataka, hindi nagsasalita, hindi kumokontra at hindi kumikibo ang Provincial Environment and Natural Resources Office (PENRO) ng Aklan ganoon din ang Regional Office ng Department of Environment and Natural Resources (DENR) sa Region 6?!

Ano ba talaga ang Boracay Island?

Protected natural resources na tourist destination?

O commercial beach resort na inilalako sa malalaking negosyante at developer?!

Dati kasi, tax declaration ang sistema ng pagbabayad ng buwis diyan sa Boracay Island. Pero ngayon, ang gusto ng mga sindikato sa real estate, titulo na?!

Siyempre nga naman, kapag natitulohan ang mga property diyan ay sisirit lalo ang presyo ng lupa, hindi ba?!

Wattafak!?

E kung gusto na talagang ‘salaulain’ ng local government ang Boracay, puwede ba, itakda muna ninyo ang design for urban planning sa nasabing isla?

Nang sa gayon, alam ng mga papasok diyan kung ano ang legal at hindi ‘yung mabibiktima sila ng overpricing.

Baka kamukat-mukat nating lahat pati ‘yung bahagi ng dalampasigan na hindi puwedeng angkining pribado ‘e maging private property na?!

Sonabagan!

PENRO Executive Director Jim Sampulna, ano ba ang responsibilidad at obligasyon ninyo sa bayan, para pangalagaan ang kalikasan at yaman ng ating bansa?!

Yaman ba talaga ng bansa ang pinangangalagaan ninyo o yaman nang iilan na nais kontrolin ang Boracay?

Pakisagot lang po!


MAYNILAD
MAKUPAD
SA SUCAT!

SIR Jerry, araw2 malaking sakripisyo ang dinaranas namin dito sa Sucat, Paranaque dahil sa ginagawa ng Maynilad. Naintindihan nman po namin ang ginagawa nila. Ang kaso bakit konti lang ang gumagawa? Kaya ang tagal tuloy matapos. ‘Yun namang mga natapos na nilang hukayin ay hndi naman sinemento ang kalsada. Mapapamura kang talaga!

+63916902 – – – –


Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *