Friday , July 28 2017
Breaking News
You are here: Home / Bulabugin / May delicadeza si resigned BuCor Chief Benjamin Delos Santos
May delicadeza si resigned BuCor Chief Benjamin Delos Santos

May delicadeza si resigned BuCor Chief Benjamin Delos Santos

ISA ang nagbitiw na hepe ng Bureau of Corrections (BuCor) na si Director General Benjamin delos Santos sa mga opisyal ng gobyerno na masasabi nating may tunay na delicadeza.

Nang sabihin ni Justice Secretary Vitaliano Aguirre na bumalik na naman ang operasyon ng ilegal na droga sa loob ng National Bilibid Prison (NBP) agad siyang nagpahayag ng intensiyon na magbitiw.

Irrevocable resignation. Ibig sabihin hindi nagpapahabol lang si ret. Gen. Delos Santos.

Sabi nga niya, nang magbalik ang operasyon ng ilegal na droga sa Bilibid, ibig sabihin, ay hindi na siya kailangan doon.

Isa sa mga pinagkakatiwalaang tao sa Department of Justice (DoJ) ni Secretary Aguirre si dating police general Delos Santos.

Sila ay magka-bro sa Lex Taliones, isang law school fraternity na kinabibilangan din ni Pangulong Rodrigo “Digong” Duterte.

Gaya ng sinabi ni Secretary Aguirre, ilan sa mga itinalagang miyembro ng PNP Special Action Force (SAF) ay kontaminado na rin ng operasyon ng ilegal na droga sa loob ng Bilibid.

Tsk tsk tsk…

Parang ipinagmamalaki lang ng sindikato, “kahit sino pa ang dalhin ninyo rito sa loob ng Bilibid kayang-kaya naming paikutin at isabotahe ‘yan.”

Kahit na ‘anghel’ pa siguro ang ipasok sa Bilibid, tiyak na magiging demonyo kapag nadikit sa sindikato ng ilegal na droga.

Kaya ang kailangang maitalagang hepe rito ay gaya rin ni Gen. Delos Santos. May delicadeza at hindi kayang bilhin ng perang mula sa ilegal na droga.

Mukhang hindi lang simpleng pagpapalit ng mga bantay ang solusyon para tuluyang maigupo ang ilegal na droga sa Bilibid.

Kung hindi magagawa ang building type na penitentiary mas makabubuting i-relocate ang NBP para unti-unting mawasak ang sistema ng operasyon ng sindikato ng ilegal na droga.

Pansamantala, naniniwala tayo na mayroon pang malaking papel na gagampanan si Gen. Delos Santos para mabawasan kung hindi man tuluyang matuldukan ang operasyon ng ilegal na droga sa Bilibid.

Umaasa po tayo na makabuluhan ang mga susunod na hakbang ng DOJ laban sa sindikato ng ilegal na droga.

MANILA PROSECUTOR
NAGHAHABOL
SA CA NA BALEWALAIN
ANG SUSPENSIYON SA KANYA
NI SOJ AGUIRRE

Iba rin ang gara nitong si suspended Manila City Prosecutor Edward Togonon.

Suspendido si Togonon sa kaso ng apat na senior citizen na biktima umano ng ‘tanim-droga’ at hinayaan niyang makulong nang halos anim na buwan sa Manila Police District (MPD) kahit wala namang kaso.

Ang ipinalit sa kanya ni Justice Secretary Vitaliano Aguirre ay si Prosecutor Alexander Ramos bilang hepe ng Manila prosecutor’s office habang siya ay inirekomendang sampahan ng kasong “gross neglect of duty, insubordination and conduct prejudicial to the best interest of the service.”

Imbes sumunod sa proseso ng batas, agad humingi ng saklolo sa Court of Appeals (CA) si Togonon na magpatupad ng temporary restraining order (TRO) laban sa kanyang suspensiyon.

Gusto pang kontrahin ang ipinalit sa kanya dahil ka-bro ni Secretary Aguirre. Ibang klase rin talaga. Kitang-kita na gusto niyang suwagin si Secretary Aguirre?!

Bakit ba ganito kalakas ang loob ni Togonon para suwagin si Secretary Aguirre?

Dahil ba ‘ninang’ niya at paborito siya ni suspected illegal drugs protector Sen. Leila de Lima?!

Hindi ba’t mula Muntinlupa ay nailipat si Togonon sa Maynila? At mula raw nang mapunta sa Maynila si Togonon, nauso ang mga nagbabaliktarang kaso?!

Magaling sigurong maglut0 ng pancake si suspended Manila city prosecutor Togonon?!

Kanino kaya siya natutong magluto ng pancake?! Kay Madam Leila?!

Ano sa palagay ninyo, mga suki?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top