Friday , July 28 2017
Breaking News
You are here: Home / News / Erpat nagbaril sa ulo
Erpat nagbaril sa ulo

Erpat nagbaril sa ulo

 

HINDI umabot nang buhay sa pagamutan ang isang 40-anyos padre de familia makaraan magbaril sa ulo sa kanyang silid sa Felix Huertas St., Sta. Cruz, Maynila, kamakalawa ng gabi.

Ayon sa ulat na nakarating kay Manila Police District (MPD) Station 3 commander, Supt. Arnold Tom Ibay, kinilala ang biktimang si Rodrigo Manti, 70, residente sa F. Huertas St., Brgy. 322, Zone 32, Sta. Cruz.

Sa imbestigasyon ng pulisya, dakong 9:50 pm nang marinig ng anak ng biktima na si Kristy Manti, ang isang putok ng baril mula sa loob ng silid ng ama.

Agad tinungo ni Kristy ang silid ng biktima at tumambad sa kanya ang duguan at nakahandusay na ama.

Isinugod ang biktima sa Metropolitan Medical Center ngunit idineklarang dead-on-arrival.

Hindi pa mabatid ng pulisya ang motibo sa pagpapakamatay ng biktima dahil ayaw makipagtulu-ngan ng pamilya.

(BRIAN GEM BILASANO)

About Brian Bilasano

Scroll To Top